Լրահոս
Օրվա լրահոսը

Մանկական «Նոր ալիք»-ի մեր ներկայացուցիչը մեկնեց Ղրիմ

Օգոստոս 05,2014 21:15

Մանկական «Նոր ալիք» մրցույթում Հայաստանն այս տարի ներկայացնող 12-ամյա Դավիթ Վարդանյանն այսօր արդեն մեկնեց Ղրիմ, որտեղ էլ օգոստոսի 16-18-ը տեղի կունենա մրցույթը:

Մեր ներկայացուցիչը հավատում է իր հաղթանակին: Վստահեցնում է, որ բոլորովին չի հուզվում, որովհետև շատ լավ է պատրաստվել և կարող է ըստ արժանվույն ներկայացնել մեր երկիրը:

Դավթի երաժշտական պրոդյուսեր Գրիգոր Կյոկչյանն էլ հավատացնում է, որ Դավիթը իսկապես կարողանում է բեմում ինքն իրեն հավաքել, չհուզվել, չլարվել. «Միայն թե չհիվանդանա»,- սա է պրոդյուսերի միակ մտավախությունը:

Ինչ վերաբերում է արդյունքներին, Գ. Կյոկչյանն ասում է, որ միայն լավ ելույթը բավական չէ, որովհետև չպետք է անտեսել նաև մարդկային գործոնը. «Համակրանքի, երկրի, պատվիրակության ներկայանալի լինելու խնդիրն էլ կա»,- նկատում է նա:

Դավթի մայրն էլ՝ Արմինե Վարդանյանը, ասում է, որ թեև իրենք ընտանիքով մարտական են տրամադրված, հավատում են Դավթի հաղթանակին և հուսով են, որ իրենց հույսերը կարդարանան, բայց և այնպես, առավել կարևորում են Դավթի լավ և ինքնավստահ ելույթը:

Սիրանուշ ՀԱՅՐԱՊԵՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031