Լրահոս
Օրվա լրահոսը

Տեր Հայր. «Խորհրդային քաղցկեղը` անհավատությունը, տարածվել է բոլոր մարզերում»

Օգոստոս 17,2014 19:50


Այսօր Առաքելական եկեղեցին նշում է Աստվածամոր վերափոխման տոնը: «Ի դեմս Աստվածամոր` կարևորվում է մայրության գաղափարը, քանզի մահկանացուներից մոր առջև Քրիստոսը խոնարհվեց», – մեկնաբանում է Տեր Հովսեփ քահանա Ալեքսանյանը:Qahana

Կեչառիսի Սբ. Կաթողիկե եկեղեցում մատուցվող պատարագին հաջորդեց խաղողօրհնեքի արարողությունը: Մտաբերելով նախորդ տարիներին խաղողի համար գոյացող հերթերն ու հրմշտոցը` Տեր Հայրը գոհունակությամբ նշեց, որ եկեղեցուն աստիճանաբար հաջողվում է մարդկանց էթիկա սովորեցնել, սերմանել հարգանք դեպի հոգևորը: «Երբ եկեղեցում ինչ-որ բան է բաժանվում, մարդիկ կորցնում են ինքնագիտակցությունը` մոռանալով, որ այդ ամենը հագենալու համար չէ. այն իր մեջ խորհուրդ է կրում»,- ասաց նա:

Հայի քրիստոնեական հավատի ուժգնության հարցում բանախոսը դրական համարեց սերնդափոխությունը: Իր խոսքով` նոր սերնդի մեջ կան առողջ բանականությամբ երիտասարդներ, որոնք գիտելիքի շնորհիվ կուլ չեն գնում այլ կրոնական կազմակերպությունների գայթակղությանը: «Մեզ ժամանակ է պետք. ոչ մի սերմնացան սերմ չի գցում այն ակնկալիքով, որ հաջորդ օրը բերք է հավաքելու»:
Զրույցի ընթացքում խոսք գնաց նաև հոգևոր սպասավորների աշխարհիկ կյանքի, մասնավոր բիզնես ունենալու մասին: «Ժողովուրդը սովոր է քար շպրտելու այն ուղղությամբ, որտեղից պատասխան չի ստանալու: Եկեղեցին ինքն է մեղավոր, որ իր զավակն անդաստիարակ է»,- ասաց Տեր Հայրը: Հիշեցնելով դարեր ի վեր եկեղեցու` սեփական ռեսուրսներով մանկատներ, դպրատներ, ծերանոցներ պահելու փաստը` տեր Հովսեփը հավելեց. «Չեմ արդարացնում, սակայն եթե ժողովուրդը չի կարող պահել հոգևորականին, ապա վերջինս ստիպված է կողքից այլ բան փնտրել իր ընտանիքը պահելու համար»:EKEXECI1

Նույն համատեքստում Սբ Աստվածածին եկեղեցու քահանա Տեր Համազասպ Գրիգորյանը ցավով ընդգծեց, որ մարդկանց հոծ բազմություն եկեղեցի է հաճախում միայն այն օրերին, երբ «սեղանից» ինչ-որ բան է բաժանվում: Նրա հավաստմամբ` շատերը տարրական քրիստոնեական գիտելիքներ չունեն:
Անհավատության մակարդակի առնչությամբ վերջինս ընդգծեց Սյունյաց մարզի բնակչությանը: «Սովետը սովորեցրեց մեզ լինել լավագույնը անհավատության մեջ: Խորհրդային քաղցկեղը տարածվեց բոլոր մարզերում: Այսպիսի սաստկությամբ անհավատություն, ինչպիսին Սյունյաց մարզում է, ոչ մի այլ տեղ չեմ տեսել»:

Անի ԱՆՏՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (3)

Պատասխանել

  1. david says:

    Ինչ են անում աստծուն նրանք, ովքեր իրենց են աստվածացնում:Միֆը միֆի կարիք չունի:

    • Անի says:

      Կարծում եմ` մեկ կամ երկու անհատների օրինակով պետք չէ դատել բոլորին: Կան ճշմարիտ և քաղքենի հավատացյալներ, ինչպես նաև` նույն բնութագրով հոգևոր սպասավորներ: Երկուսին էլ պետք է դատել իր արարքներով, խոսքի զորությամբ:

  2. Սեւակ says:

    Հարգելի Անի Անտոնյան: Կարծում եմ ՛՛խորհրդային քաղցկեղը՛՛ այտեղ ոչ իմ նշանակություն չունի: Երեկ, մեր եկեղեցում, Երեւանում, ինչպես ցավով նկատեց սուրբ Պատարագ մատուցող քահանան, ամեն մեկը բերել էր ի՛ր խաղողը, պինդ պահել իր ձեռքերում եւ համարիա ոչ մեկ չէր դնում այն ընդհանուր սեղանին, որպեսզի բաժանվի հավատացիայլներին:Կածումեմ, սա ոչ թե կոմունիստական, այլ, հակառակը՝ ժամանակակից սոցիալ-տնտեսական մտածելակեպի հետեւանք է: Կոմունիստները հակառակը՝ մարդկանց մղել են ընդհանուրի, իմ քոնը չկա, այլ կա մե՛րը գաղափարին: Մենք ենք մեղավուր; Բերեք , ինչպես ասում են ՛՛շառը չգցենք հասարակարգերի վրա: Քանզի, ինչպես Դուք էլ նկատել եք, այպիսի օրերին եկեղեցի են գալիս ոչ այնքան եկեղեցուն մոտիկ կանգնած մարդիկ:Նրանց հիմնականում հետաքրքիր է ոչ թե Մարիամ Աստվածածնի վերափոխումը,այլ, ցավով եմ նշում, օրհնված խաղողը… Եւ, չնայած հոգեւորականների հորդորին, բացատրութուններին,որ այս օրհնությունը չի վերաբեորւմ հենց ձեր ձեռքի խաղողին, այլ ամբողջ մրգերին գլխավորութեամբ խաղողի, այդպես էլ հասկանալի չեղավ: Ես եկեղեցուց դուրս եկա առանց մեկ խաղողի գլա վերցնելու, քանզի, հավանաբար միքանի հոգուվրայով, այո, իսկապես բռի բուն իմաստով, պետք է անցնեի, որպեսզի հասնեի ՛՛բաղձալի բարձունքին՛՛… կարծում եմ այսպսի բաները շատ սխալ են եկեղեցում: Դրանք շեղում են տոնը իրենց բուն նպատակից,տվյալ դեպքում, կրկնում եմ,շատ շատերի համար Մարիամ Աստվածածինը մնացել էր տոնի հիմնական գաղափարից դուրս:
    Ինչ վերաբերում է որեւէ մեկին դատելուն, առավելապես՝ հոգուորականներին,հարգելիեներս մենք դրա իրավունքը չունենք: Ժողովուրդը շատ է չարացած, նա հայտնում է հոգեւորականի մասին տեսակետ, որը բոլորովին չի՛ համապատասխանում իրականութեանը: Դրանք զրպարտություններով շաղախված, ինչ որ անհասկանալի մեղադրանքներ են:Մարդ արարածի ուժերից վեր է այն ամենը կատարել, ինչ մենք պահանջում ենք մեր հոգեւորակններից, նրանք էլ մարդիկ են, մեզ պես: Եկեք խնայենք, եվ սիրենք նրանց, եւ ներենք նրանց զանցանքները: Ամենակարող Աստված թող օգնի մեզ բոլորիս, եւ ողորմա մեզ մեր մեղքերի դիմաց: Ամեն:

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031