Լրահոս
Օրվա լրահոսը

Արմեն Կարապետյանը նշանակվել է ՀՀ առողջապահության աշխատակազմի ղեկավար

Օգոստոս 21,2014 11:37

ՀՀ կառավարության այսօրվա նիստում որոշում է ընդունվել Արմեն Կարապետյանին նշանակել Հայաստանի Հանրապետության առողջապահության նախարարության աշխատակազմի ղեկավար:

Արմեն Կարապետյանը ծնվել է 1959 թ. Երևանում:

1976-1980թթ. սովորել է Երևանի ժողովրդական տնտեսության ինստիտուտի ճյուղային էկոնոմիկաների ֆակուլտետի «Աշխատանքի էկոնոմիկա» բաժնում: Ստանալով տնտեսագետի որակավորում գործուղվել է Աբովյանի «Չափիչ» գործարան` աշխատանքի և աշխատավարձի կազմակերպման բաժնում որպես տնտեսագետ, ապա` ավագ տնտեսագետ, որտեղ աշխատել է մինչ 1984թ.:

1984-1990թթ. աշխատել է «Չափիչ» գործարանում որպես ՀԼԿԵՄ կոմիտեի քարտուղար, ապա ՀԼԿԵՄ Աբովյանի շրջկոմի առաջին քարտուղար:

1990-1999թթ. աշխատել է Աբովյանի «Գառնի» կոշիկի ֆաբրիկայում, այնուհետև ՀՀ կառավարությանն առընթեր ֆիզիկական կուլտուրայի, սպորտի և երիտասարդության հարցերի վարչությունում:

1999թ. ապրիլից աշխատել է ՀՀ առողջապահական համակարգում` սկզբում որպես ՀՀ կառավարությանն առընթեր պետական առողջապահական գործակալության վերահսկողության վարչության պետ, ապա` ՀՀ առողջապահության նախարարության ֆինանսատնտեսագիտական վարչության պետ: 2013թ. սեպտեմբերից մինչև 2014թ. հունիս աշխատել է ՀՀ հատուկ քննչական ծառայության աշխատակազմի ղեկավար:
2014թ. հունիսին նշանակվել է ՀՀ առողջապահության նախարարության աշխատակազմի ղեկավարի ժամանակավոր պաշտոնակատար:

Ամուսնացած է, ունի մեկ դուստր, երկու թոռնիկ:

 ՀՀ առողջապահության նախարարություն

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031