Լրահոս
Օրվա լրահոսը

Նախագահականում Նժդեհի եղբոր աղջկան առաջարկել են ծերանոց գնալ (Տեսանյութ)

Օգոստոս 21,2014 16:41

Այսօր` օգոստոսի 21-ին, կառավարության շենքի դիմաց «Ուզում եմ մնալ իմ երկրում եւ ապրել ոչ փողոցում» պաստառով իր բողոքն էր արտահայտում քաղաքացի Էմմա Սահակյանը, որն ի դեպ Գարեգին Նժդեհի եղբոր աղջիկն է: Նա Aravot.am-ի հետ զրույցում նշեց, որ 2009 թվականին կատարված անօրինությունների պատճառով հայտնվել է փողոցում.

«Գողացել են իմ ամբողջ ունեցվածքը, եւ գրանցումից հանել են առանց ինձ տեղեկացնելու: Դիմել եմ դատարան, որ քննիչի որոշումը կեղծ է 50-60 հազար դոլարի իրերս գողացել են ասում են, որ հանցակազմ չկա: Դիմել եմ բոլոր ատյաններին ոչ մի դրական արդյունքի չեմ հասել, դրանից հետո 2012 թվականից նստել եմ նախագահականի դիմաց եւ 15 օր հացադուլ եմ արել, բայց ոչ մի ուշադրություն: Իմ պահանջն է, որ նոր քննություն անցկացնեն, ավելի բան չեմ ուզում»:

Նա նշեց, որ հանդիպումներ է ունեցել նախկին Արդարադատության նախարարի եւ Գլխավոր դատախազի հետ, սակայն ապարդյուն: Իսկ ՀՀ նախագահի վերահսկողական ծառայության Քաղաքացիների ընդունելության, առաջարկությունների, դիմումների եւ բողոքների բաժնի վարիչ Աիդա Ասատրյանը առաջարկել է իրեն ծերանոց գնալ.
«Ես էլ պատասխանել եմ` ծերանոց ուղարկեք ձեր հարազատներին, որ հետո էլ դուք գնաք: 16 դիմում եմ հասցեագրել նախագահին, պատասխան ստանում եմ Աիդա Ասատրյանի ստորագրությամբ, ես ի՞նչ պահանջ եմ ներկայացնում, իրենք ինձ ի՞նչ են առաջարկում»:

Հետաքրքրվեցինք, թե տիկին Սահակյանը ի՞նչ ակնկալիքներ ունի կառավարությունից, նա պատասխանեց, որ ընդհանրապես ոչ մի ակնկալիք չունի իշխանություններից, սակայն ուրիշ ելք էլ չունի.
«Մտածում եմ, մեջները գոնե մեկը կլինի, որ մի բան կարթնանա իր մեջ»:
Տիկին Սահակյանն իր հետ ուներ նաեւ Հանրապետական կուսակցության օրացույցը, որտեղ յուրաքանչյուր ամսվա կողքին Գարեգին Նժդեհի մտքերն են: Ցույց տալով օրացույցը` նա ասաց.
«11 տարի բանտում նստեց, կարո՞ղ էր, չէ՞ վաճառվել, բայց 11 տարի նստեց բանտում ու մահացավ, որ այսօր իր հարազատներին այս վիճակում թողեն»:

Մանրամասները` տեսանյութում:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031