Լրահոս
Օրվա լրահոսը

Աշխարհի առաջնություն մեկնող ըմբիշների անունները հայտնի են

Օգոստոս 21,2014 16:49

Սեպտեմբերի 8-14-ը Տաշքենդում կայանալիք սիրողական ըմբշամարտի աշխարհի առաջնության շեմին Հայաստանի ազատ եւ հունահռոմեական ըմբշամարտերի ազգային հավաքականների գլխավոր մարզիչներ Արայիկ Բաղդադյանն ու Լեւոն Ջուլֆալակյանն այսօր հայտարարեցին այն ըմբիշների անունները, որոնք պաշտպանելու են մեր երկրի մարզական դրոշի պատիվը:

Արայիկ Բաղդադյանը լրագրողներին տեղեկացրեց, որ ազատ ոճայինները մրցավայր մեկնում են հինգ մասնակցով: Ներկայացուցիչ չենք ունենալու 74, 96 եւ 125 կգ քաշային կարգերում: Տաշքենդում մրցագորգ մտնելու են Գարիկ Բարսեղյանը` 57 կգ, Վոլոդյա Ֆրանգուլյանը` 61, Դավիթ Սաֆարյանը` 65, Գրիգոր Գրիգորյանը` 74 եւ Մուսա Մուրթազալիեւը` 86:

Լեւոն Ջուլֆալակյանի հավաքականը «բացակա» մարզիկներ չի ունենալու: Հավաքականի գլխավոր մարզիչը հրապարակեց հետեւյալ ըմբիշների անունները. 59 կգ` Ռոման Ամոյան, 66` Միհրան Հարությունյան, 71` Վարշամ Բորանյան, 75` Արսեն Ջուլֆալակյան, 81`Հրաչ Հովհաննիսյան, 85` Արթուր Շահինյան, 98` Արթուր Ալեքսանյան, 130` Վաչիկ Եղիազարյան:

Լրագրողների հետ հանդիպմանը Հայաստանի ըմբշամարտի ֆեդերացիայի փոխնախագահ Հրանտ Ենոքյանը տեղեկացրեց, որ աշխարհի այս առաջնությունը 2016 թ. օլիմպիական խաղերի վարկանիշներ չի տալիս:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031