Օրերս Տավուշի մարզում ԱԺ նախագահ Գալուստ Սահակյանը լրագրողներին ասել էր, որ պետբյուջեի հաշվին նոր մեքենաներ են ձեռք բերելու, քանի որ, երբ արտասահմանյան հյուրեր են ընդունում, մեքենա պատվիրելը ավելի թանկ է նստում, քան դա շահագործելը:
Aravot.am-ի հետ զրույցում տնտեսագետ Կարեն Պետրոսյանը, անդրադառնալով այս թեմային, ասաց. «Նախ պետք է պարզել, թե ինչքան գումար է նախորդ տարիներին ծախսվել հյուրերի մեքենաների վարձակալության համար. եթե օրինակ պայմանականորեն ընդունենք 1000 դրամ է ծախսվել, իսկ մեքենան արժե 50 հազար դրամ, սա ենթադրում է, որ 50 տարվա վարձակալական վճար է, ինչքանո՞վ է արդարացված 50 տարվա ծախսը կատարել միանվագ սոցիալ-տնտեսական ոչ բարվոք այս պայմաններում:
Տնտեսագիտության մեջ սովորաբար քննարկվում է արդարության և արդյունավետության խնդիրը, և կոնկրետ այս օրինակը փորձենք քննարկել այս համատեքստում, հնարավոր է որ կառավարության այս ջանքը` ձեռք բերել նոր մեքենաներ, արդյունավետ է տնտեսական իմաստով, գուցե ծախսն արդարացված է, սակայն կարելի է ասել այստեղ բացակայում է արդարության գործոնը , քանի որ բնակչության կեսից ավելին, կոնկրետ մեր մարզում պաշտոնապես համարվում են աղքատ, որքանո՞վ է արդար նման շռայլությունը:
Եթե երկրի կեսն աղքատ է` ո՞ւմ ենք խաբում շքեղ մեքենաներով`մե՞զ, հյուրերի՞ն, թե՞ ժողովրդին: Մոռանում ենք, որ շատ համաշխարհային դեմքեր տնտեսական ճգնաժամի դեպքում ծախսեր են կրճատում, այդ թվում ծառայողական մեքենաների ու բենզինի քանակը, օրինակ`հանդիսանալով ճգնաժամից դուրս գալու գործընթացում …»:
Կարդացեք նաև
Նունե ԱՐԵՎՇԱՏՅԱՆ
