Լրահոս
Օրվա լրահոսը

Արգիշտի Կիվիրյանի կողմից «կծոտված» ոստիկանը արձակուրդ է գնացել

Օգոստոս 22,2014 11:34

«Armenia Today» կայքի համակարգող Արգիշտի Կիվիրյանի գործով դատական նիստն այսօր փաստաբան Երվանդ Վարոսյանի միջնորդությամբ հետաձգվեց մինչեւ գործով տուժող Վահան Վրթանեսյանը վերադառնա արձակուրդից: Պարոն Կիվիրյանի պաշտպանը միջնորդեց նաեւ հետաձգել դեպքի տեսագրությունների ուսումնասիրությունը, որ այն տուժողի ներկայությամբ դիտեն:

Հաջորդ դատական նիստը նշանակվեց սեպտեմբերի 1-ին:

Հիշեցնենք, որ Արգիշտի Կիվիրյանի նկատմամբ քրեական գործ է հարուցվել Կոմիտաս 5-ի բողոքի ակցիայի ժամանակ ոստիկան Վրթանեսյանին կծելու, նրա նկատմամբ բռնություններ կատարելու մեղադրանքով:

Պարոն Կիվիրյանը մեզ հետ զրույցում ասաց, որ տուժողների ու վկաների ցուցմունքներում բազմաթիվ հակասություններ կան, այսինքն. «Գործը փլվեց: Ակնհայտ դարձավ, որ նախաքննական մարմինը զբաղվել է ոչ թե նախաքննություն իրականացնելով, ճշմարտությունը բացահայտելով, այլ զբաղված է եղել գործ սարքելով իմ դեմ: Այդ ամբողջը դատական նիստերի ժամանակ ակնառու դարձավ, հենց որ երեւաց, որ գործով տուժողը տուժող չէ, գործով վկաները վկաներ չեն: Նրանք տալիս են ցուցմունքներ, որոնք հակասում են եւ իրենց նախաքննական ցուցմունքներին եւ գործով առկա տեսագրություններին: Ի սկզբանե ասել էինք, որ գործը կգա դատարան, հասարակությունը կծանոթանա գործին եւ ակնհայտ կլինի, որ ՀՔԾ-ն ընդամենը իրականացրել է պատվեր իմ դեմ»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031