Սուրեն Սուրենյանցը համարում է՝ Սերժ Սարգսյանի պարտադրված որոշման ամբողջ պատասխանատվությունը քաղաքական էլիտայի վրա է
«Օգոստոսի 23-ը մեր հայկական պետականության ամենահիշարժան օրերից մեկն է, որովհետեւ այս օրը սկիզբ դրվեց հայկական պետականությունը»,- այսօր՝ օգոստոսի 23-ին, «Երկու երես» մամուլի ակումբում, լրագրողների հետ հանդիպման ընթացքում, անդրադառնալով օրվա խորհրդին, հայտարարեց քաղաքագետ Սուրեն Սուրենյանցը:
Նա համարում է, որ Անկախության հռչակագրից 24 տարի հետո Հայաստանի Հանրապետությունն ավելի զուրկ է անկախությունից, քան 24 տարի առաջ, որի օրինակն է համարում անցած տարվա սեպտեմբերի երեքին նախագահ Սերժ Սարգսյանի կատարած հայտարարությունը. «Անցած տարի սեպտեմբերի երեքին տեղի ունեցավ մի իրադարձություն, որը Հայաստանին դրեց պարտադրված կացության առաջ: Իհարկե՛, ես արեւմտյան կողմնորոշում ունեցող այն գործիչների նման այդ թեմայով շատ վերամբարձ հայտարարություններ չեմ անելու, որովհետեւ ինձ համար ակնհայտ է, որ Սերժ Սարգսյանը կայացրել է պարտադրված որոշում՝ պայմանավորված տարածաշրջանի միլիտարիզացիայով»:
Նա համարում է, որ Սերժ Սարգսյանի պարտադրված որոշման ամբողջ պատասխանատվությունը քաղաքական էլիտայի վրա է, քանի որ՝ քանի դեռ լուծված չեն հարեւան երկրների հետ հարաբերությունները, Հայաստանի ղեկավարությունը պարտավորված է ենթարկվել Մոսկվայից եկող հրահանգներին:
Կարդացեք նաև
Ամի ՉԻՉԱԿՅԱՆ
