Հայկական պատմական Անի քաղաքի ավերակների տակ ստորգետնյա կառույցներ են հայտնաբերվել՝ ջրանցքներ, հոգևորականների խցեր, աղոթարաններ, հսկա միջանցքներ, խճճված թունելներ, թակարդներ: Այս մասին «Անի-Կարս միջազգային գիտաժողով»-ի շրջանակներում հայտնել է թուրք պատմաբան Սեզայի Յազըջըն, գրում է «Հուրիեթ»-ը:
Յազըջըն պատմել է, որ ստորգետնյա կառույցներով սկսել է հետաքրքրվել, երբ լսել է Գեորգի Գուրջիևի Անիում կատարած բացահայտումների մասին: 1980-ականներին Գուրջիևն իր ընկերոջ Պողոսյանի հետ Անիում մի սենյակ են պեղում և այնտեղ գտնում քայքայված կահույք և կոտրված սպասք, ինչպես նաև մագաղաթի վրա գրություն են: Այնուհետև գիտնականը պարզում է, որ այդ վայրում 6-7-րդ դարերում էզոթերիկ դպրոց է գոյություն ունեցել:
Անդրադառնալով իր հայտնագործություններին՝ Յազըջըն ասել է, որ ստորգետնյա թունելների երկարությունը հասնում է 500 մետրի.
«Ստորգետնյա կառույցների հիմնական մասը օգտագործվել է որպես տներ: Կառույցներից շատերի համար չափագրումներ և քարտեզներ է գծվել», – ասել է գիտնականը՝ նշելով, որ այս պահին Անիում հայտնաբերվել է 823 ստորգետնյա կառույցներ և քարանձավներ:
Կարդացեք նաև
Պատրաստեց Հովհաննես ԻՇԽԱՆՅԱՆԸ
