ՀՀ կրթության և գիտության նախարար Արմեն Աշոտյանն օրերս կայացած ասուլիսում անդրադառնալով մանկավարժների ցածր աշխատավարձերի մասին, ասել էր, թե աշխատավարձի կտրուկ բարձրացում որեւէ մեկը չէր խոստացել: Նախարարը փաստել էր, թե հուլիսի 1-ից մանկավարժների աշխատավարձերը բարձրացել են 9%-ով, սակայն դա մի մասի համար զգալի է, մյուս համար՝ ոչ, քանի որ Հայաստանն ունի 25.000 ուսուցչի կարիք, մինչդեռ աշխատում է 40.000 ուսուցիչ, ընդ որում, ոմանք աշխատում են 0,25, ոմանք էլ՝ 0,5 դրույքով:
Aravot.am-ի հետ զրույցում մի քանի դպրոցի տնօրեններ նշեցին, որ, այնուամենայնիվ, աշխատավարձի բարձրացում չեն նկատել, քանի որ ուսուցիչների արձակուրդայինները հաշվարկվել են հին գործակցով, չնայած բարձրանալու դեպքում մեկ դրույք ունեցողն էլ կնկատեր, 0,25-ն էլ:
ԿԳ նախարարության հանրակրթության վարչության պետ Նարինե Հովհաննիսյանից հետաքրքրվեցինք՝ կա՞ն նախարարության ենթակայությամբ գործող դպրոցներում 0,25 դրույքով աշխատող մանկավարժներ: Վարչության պետը պատասխանեց, որ 0,25-ով աշխատողներ միանշանակ չունեն, իսկ մնացած տվյալները պարզ կլինեն հոկտեմբերի սկզբներին:
Տիկին Հովհաննիսյանը հավելեց. «Ամեն դեպքում դպրոցների ղեկավարներին հրահանգ է տրվում պարտքով դուրս չգալ եւ տեղավորվել բյուջեի մեջ»:
Կարդացեք նաև
Գոհար ՀԱԿՈԲՅԱՆ
Այն,որ կրթական ոլորտում աշխատավարձերը ցածր են,ակնհայտ երևում է ԿԳՆ-ի հանրակրթության վարչության պետի հագուկապից ու արտաքինից: