«Մեր մոտ ամեն ինչ լավ է: Ի՞նչ խնդիրներ»,- Քաջարանում տեղակայված բաց հանքի շահագործման վերաբերյալ ՄԻՊ 2013 թվականի տարեկան զեկույցի մասին լսելուց հետո մեզ հետ զրույցում արձագանքեց Քաջարանի պղնձամոլիբդենային գործադիր տնօրեն Մաքսիմ Հակոբյանը: Նա մարդու իրավունքների պաշտպանի արձանագրած մտահոգությունները չցանկացավ լսել ու չպատասխանեց այլ հարցերի, անջատեց հեռախոսը:
«Հանքարդյունաբերության ոչ մի կետ Հայաստանում չունենք, որը չազդի մարդու առողջության եւ առողջ շրջակա միջավայրի վրա»,- ասաց բնապահպան, «Էկոլուր» հ/կ նախագահ Ինգա Զառաֆյանը: Նրա խոսքով, իրենք հունվարին ամփոփել են Թեղուտում, Կապանում, Քաջարանում հանքերի հետեւանքով առաջացած վնասները` այդ թվում նաեւ մահվան դեպքերը, բայց. « Առողջության, աշխատանքային իրավունքներ այդ հանքերում չունեն ոչ բնակիչները, ոչ էլ հանքերի աշխատողները»:
Արփինե ՍԻՄՈՆՅԱՆ
