Լրահոս
Օրվա լրահոսը

Բելգիայում մեկնարկելու է «Ես հայ եմ / Yes I am» հերթական փառատոնը

Օգոստոս 29,2014 17:20

Բելգիայում գործող «Արդիա» հասարարական կազմակերպությունն արդեն 5-րդ անգամ է կազմակերպելու ամենամյա փառատոնը: Նախորդը’ 2012 թվականի սեպտեմբերին էր: Դեռ թարմ են տպավորություններն ու հուշերը, հատկապես տպավորիչ էր Անտվերպենի մարզային խորհրդարանում «հայի ինքնությունը» թեմայով անցկացված գիտաժողովը, որին հետևեց բազմապիսի ու բազմաժանր մշակութային, ժամանցային,համերգային կատարումներով լի ծրագիրը:

«Նիդերլանդական Օրագիր»-ը այս իրադարձությունը մանրամասը ներկայացրել է:
Այս տարի’ սեպտեմբերի 27-ին ևս սպասվում է հաճելի ու հետաքրքիր, միջոցառումներով լի հագեցված մի ծրագիր: Նախատեսված են տարբեր միջոցառումներ ‘՝ հայկական ազգագրական և ժողովրդական երգեր, ժողովրդական գործիքային երաժշտություն, ասմունք, ժողովրդական և ազգագրական պարեր, ժողովրդական խաղ պարեր, արվեստի գործերի ցուցահանդես-վաճառք, Անց են կացվելու նարդու և շախմատի մրցումներ, բացվելու է «հայկական անկյուն», որտեղ հուշանվերներ են վաճառվելու, լինելու է մանկական տաղավար, նկարչական անկյուն, դիմահարդարում, այլ բազմազան միջոցառումներ:

«Ես հայ եմ / Yes I am» այս տարվա փառատոնի նպատակն է Բելգիայում հաստատված տաղանդաշնորհ հայորդիներին Բելգիայի և հայ հասարակությանը ներկայացնելը։
Փառատոնը կոմերցիոն բնույթ չի կրում և հիմնված է հասարակական հիմունքների վրա։
Փառատոնից հավաքված գումարը կտրամադրվի Անտվերպենի հայկական կիրակնօրյա դպրոցին։

«ՆԻԴԵՐԼԱՆԴԱԿԱՆ ՕՐԱԳԻՐ»

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Օգոստոս 2014
Երկ Երե Չոր Հնգ Ուրբ Շաբ Կիր
« Հուլ   Սեպ »
 123
45678910
11121314151617
18192021222324
25262728293031