Լրահոս
Օրվա լրահոսը

ՀԵՀ-ի սեպտեմբերմեկյան նվերը՝ 2 և ավելի երեխա ունեցող ուսանողներին

Սեպտեմբեր 01,2014 10:55
Heh

Այս ուսումնական տարվանից սկսած՝ Հայաստանի երիտասարդական հիմնադրամը (ՀԵՀ) ուսումնառության ընթացքում ամբողջությամբ կփոխհատուցի պետական բուհերի առկա ուսուցման համակարգի բակալավրիատի կրթական ծրագրում սովորող, երկու և ավելի երեխա ունեցող երիտասարդ ծնողների ուսման վարձը։

Այդ մասին երիտասարդական հիմնադրամը հայտարարել էր 2014-ի սկզբին՝ երկու և ավելի զավակ ունեցող ուսանողների վերաբերյալ տվյալներ տրամադրելու խնդրանքով դիմելով նաև պետական բուհերի ռեկտորներին։

Այս ընթացքում Հայաստանի երիտասարդական հիմնադրամն ուսանողներից և բուհերից ստացել է 25 հայտ` երկու և ավելի երեխա ունեցող 4 հայր և 21 մայր, որոնք ներկայացնում են հանրապետության տարբեր բուհեր։ Մասնավորապես, ուսանողներից յոթը Հայկական պետական մանկավարժական համալսարանից են, վեցը՝ Երևանի պետական համալսարանից։ Կան նաև ուսանող-ծնողներ՝ Երևանի թատրոնի և կինոյի պետական ինստիտուտից, ճարտարագիտական համալսարանից, Վանաձորի պետական համալսարանից, ֆիզիկական կուլտուրայի հայկական պետական ինստիտուտից և այլն։
ՀԵՀ-ի հոգաբարձուների խորհրդի համակարգող Կարեն Ավագյանը նկատում է, որ այս նախաձեռնությամբ երիտասարդական հիմնադրամը փորձում է սոցիալական աջակցություն ցուցաբերել երիտասարդ ընտանիքներին, նպաստել երիտասարդների կրթության շարունակելիությանը, երկրորդ մասնագիտություն ստանալուն, ինչու ոչ, նաև՝ ծնելիության աճին։ Կարեն Ավագյանը կոչ է անում երկու և ավելի զավակ ունեցող բոլոր ուսանողներին, ովքեր դուրս են մնացել հիմնադրամի տեսադաշտից, անպայման դիմել և ստանալ ուսման վարձի փոխհատուցում բակալավրիատի առկա համակարգում սովորելու ամբողջ ընթացքում։
Հայաստանի երիտասարդական հիմնադրամի
հասարակայնության հետ կապերի ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2014
Երկ Երե Չոր Հնգ Ուրբ Շաբ Կիր
« Օգո   Հոկ »
1234567
891011121314
15161718192021
22232425262728
2930