Լրահոս
Օրվա լրահոսը

Կարրարայի քաղաքապետին է փոխանցվել Երևանի քաղաքապետ Տարոն Մարգարյանի «Էրեբունի-Երևան 2796» տոնակատարությանը մասնակցելու հրավերը։

Սեպտեմբեր 02,2014 15:16

Երևանի առաջին քույր քաղաքում՝ իտալական Կարրարայում, օգոստոսի 29-30-ը անց է կացվել արդեն ավանդական դարձած «Սեպտեմբերֆեստ» 38-րդ միջոցառումը: Երևանի քաղաքապետ Տարոն Մարգարյանի անունից միջոցառմանը մասնակցող քաղաքապետարանի աշխատակազմի արտաքին կապերի վարչության պետ Դավիթ Գևորգյանը Կարրարայի քաղաքապետ Անջելո Զուբբանիին է փոխանցել Երևանի քաղաքապետի շնորհավորական ուղերձը, որում, Կարրարայի բոլոր բնակիչներին մաղթելով բարեկեցություն, Տարոն Մարգարյանը նաև վստահություն է հայտնել, որ քույր քաղաք Կարրարայի հետ շուրջ 40-ամյա համագործակցությունն առաջիկայում էլ ավելի կզարգանա ու կընդլայնվի:

Շնորհակալություն հայտնելով տոնին մասնակցելու և շնորհավորանքների համար՝ Կարրարայի քաղաքապետն ընդգծել է, որ իսկապես նկատելի են Երևանի քաղաքապետի երկուստեք փոխգործակցությունն էլ ավելի ընդլայնելու պատրաստակամությունն ու ջանքերը, ինչի համար Անջելո Զուբբանին իր շնորհակալությունն է փոխանցել Երևանի գործընկերոջը:

Հանդիպման ժամանակ Երևանի քաղաքապետարանի աշխատակազմի արտաքին կապերի վարչության պետը Կարրարայի քաղաքապետին է փոխանցել նաև Երևանի քաղաքապետ Տարոն Մարգարյանի «Էրեբունի-Երևան 2796» տոնակատարությանը մասնակցելու հրավերը։ Շնորհակալություն հայտնելով հրավերի համար՝ Անջելո Զուբբանին, ով նախորդ տարի անձամբ է մասնակցել Երևանի տոնին, վստահեցրել է, որ այս տարի ևս Կարրարայի պատվիրակությունը կմասնակցի տոնակատարությանը:

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2014
Երկ Երե Չոր Հնգ Ուրբ Շաբ Կիր
« Օգո   Հոկ »
1234567
891011121314
15161718192021
22232425262728
2930