ՀՀԿ ԳՄ եւ խորհրդի մոտ երկուսուկես ժամ տեւած նիստերում, քննարկվել են քաղաքական աշնան ընթացքում ՀՀԿ-ի անելիքներին վերաբերվող հարցեր: Այդ մասին, նիստի ավարտից հետո, լրագրողների հետ զրույցում ասաց ՀՀԿ մամուլի խոսնակ, ԱԺ փոխնախագահ Էդուարդ Շարմազանովը: Նախագահ Սերժ Սարգսյանը ելույթ է ունեցել եւ անդրադարձել Ազգային ժողովի մեծամասնության սպասվելիք աշխատանքներին, սահմանադրական բարեփոխումներին, ՀՀԿ ԳՄ աշխատանքներին, կառավարության աշխատանքներին, սպասվող սահմանադրական բարեփոխումներին, նաեւ հայ-թուրքական, ԼՂՀ հարցերին: Նախագահը ներկայացրել է Նյուպորտի հանդիպումների մանրամասները, որտեղ մասնակցում էր ՆԱՏՕ-ի գագաթաժողովին:
Հիշեցնենք, գագաթաժողովի շրջանակներում տեղի ունեցան նաեւ Ադրբեջանի եւ Հայաստանի նախագահների հանդիպումը`ԱՄՆ պետքարտուղարի մասնակցությամբ, մինչ այդ տեղի էր ունեցել նաեւ Սերժ Սարգսյանի հանդիպումը Ֆրանսիայի նախագահ Ֆրանսուա Օլանդի հետ:
Aravot.am-ի հարցին`ի՞նչ մանրամասներ է նախագահ Սարգսյանը ներկայացրել Նյուպորտի հանդիպումներից, բացի տրված պաշտոնական տեղեկատվությունից, Շարմազանովն ասաց, որ կարող է իրենց գնահատականները հնչեցնել.«Նախ պետք է նշեմ, որ մինչ այդ հանդիպումը Բաքվում տեղի է ունեցել Ալիև-Էրդողան հանդիպումը, որտեղ Էրդողանը պատրաստակամություն էր հայտնել ՆԱՏՕ-ում բարձրացնել Ադրբեջանական խնդիրները: Ինչպես հիշում եք, Էրդողանը ՆԱՏՕ-ում խոսեց նույն հռետորաբանությամբ՝ նշելով, որ Լեռնային Ղարաբաղի հակամարտությունը մինչև չլուծվի, հայ-թուրքական սահմանը չի բացվի: Դուք տեսաք, որ այնտեղ նախագահը հանդես եկավ ելույթով և հստակ մատնանշեց, որ Մինսկի խմբի համանախագահության ձևաչափը չպետք է փոխվի, իսկ խնդրի խաղաղ կարգավորումը այլընտրանք չունի»:
Էդուարդ Շարմազանովը կարևոր է համարում այն էր, որ ՆԱՏՕ-ի ամբիոնից Սերժ Սարգսյանը ադրբեջանական պետությունը որակեց որպես բռնապետություն, իսկ Ալիևին՝ բռնապետ:
Կարդացեք նաև
Այլ մանրամասները` տեսանյութում.
Նախագահի ելույթից հետո ելույթներ են ունեցել նաեւ վարչապետ Հովիկ Աբրահամյանը, Արմեն Աշոտյանը, Մարգարիտ Եսայանը, Խոսրով Հարությունյանը եւ այլք: Ելույթները վերաբերվել են քաղաքական աշնանը`ՀՀԿ-ի անելիքներին: Էդուարդ Շարմազանովն ասաց, որ դրական եւ թափանցիկ է գնահատվել կառավարության աշխատանքը: Նիստի ընթացքում Սյունիքի մարզպետի հարցին անդրադարձ չի եղել:
Նելլի ԳՐԻԳՈՐՅԱՆ
Նատոյի գագաթաժողովին մասնակցելը վողջունելի է:
Վախ, անվախ առավոտներ հայոց, երբ երկիրս այլաթափվի նոր առավոտ կլինի, անվախ, ազատ, ան….
Կեցցե Սերժ Սարգսյանը. ամենադեմոկրատ և հումանիստ նախագահն աշխարհի: Ուռա, ուռա, ուռա!!!!!!!!!!!!!
Տատս այս գիշեր հոգի տալիս ուրիշ բռնակալի և ուրիշ դժոխք անիծեց:Էդ բռնակալը չլիներ երևի այլ բան ասեր:Ասաց, որ հոգին չի հանգստանա մինչև դժոխք երկիրն ու սերժագենը ղարա չդառնա:Հիմա ես ավելի շատ անելիք ունեմ, էլ խղճի ցավ չունեմ, խնայելու մարդ չունեմ:15-ը բռնապետության վերջն է:Ես խոստացա, ինձ խոստացան, ցավս քար արի, որ քարերն աղամ :