«Արթիկ» քրեակատարողական հիմնարկ այցից հետո արդարադատության նախարար Հովհաննես Մանուկյանն անսպասելի ասել է, թե ուզում է «հաց ուտել»: Ու հաց ուտել ոչ ավել, ոչ պակաս դատապարտյալների հետ:
Բնականաբար, վարչակազմը պատրաստ չի եղել նման բանի, մանավանդ, լրագրողներն էլ, որոնք այդ պահին գտնվել են նրա կողքին:
Նախարարին ալյումինե ափսեով հրամցրել են ոլոռով ապուրը, նրա կողքին գտնվող դատապարտյալները խոսքուզրույցի ժամանակ հարցրել են`սիրո՞ւմ է, թե՝ ոչ: Նախարարն ասել է՝ չի սիրում, բայց նրանց խաթեր կերել է:
Այդ ժամանակ էլ պարզ զրույց է բռնվել նրա ու դատապարտյալների միջեւ, նախարարը հարցրել է, թե ինչի համար են նստած, ինչպես են կրում պատիժը…բանն հասել է հանձնուքներին, ալյումինե ամաններին, սեղանին պարտադիր դրվող աղին ու աղամանին:
Լրագրողներն, ըստ իմ տեղեկատվության, առանձին են համտեսել հնարավոր պատժատեսակի ժամանակ տրվելիք իրենց ապուրը. չեն նստել դատապարտյալների հետ:
Ափսոս, չեմ եղել խմբում: Թե չէ նման քայլ չէի անի: Դատապարտյալները բավական զգայուն են եւ շուտ վիրավորվել գիտեն:
Կարդացեք նաև
Համ էլ, Մեծ Բրիտանիայում ես համտեսել եմ բանտերից մեկի օրվա հերթապահի` մարդասպանի պատրաստած ճաշը, եւ ասեմ, այդ օրվանից վախն ու արհամարհանքն իմ մեջից հանել եմ, երբ ուտելու ժամանակ պարզեցի, որ ամենաարդար ձեռով պատրաստած մարդու ուտեստն եմ փորձում:
Հացի վրա ձեռը դնող մարդը սուտ չի խոսում. միշտ այդպես եմ մտածել:
Ռուզան ՄԻՆԱՍՅԱՆ
Այսինքն՝ նման քայլ չէիք անի, <>
Չէիք նստի հետները՞, թե ՞ չէիք ասիՙՙ՚՚…Ձեր խաթր եմ ուտում