Տավուշի մարզի սահմանամերձ Ոսկեպար գյուղի բնակիչները ցնցվել են ցավալի լուրից: Սեպտեմբերի 9-ին Ռուսաստանի Ստարի Օսկոլ քաղաքից Վորոնեժ տանող ճանապարհին ավտովթարից զոհվել է Ոսկեպարի 27-ամյա բնակիչ Ռաֆիկ Խեչումյանը: Նա եղել է մարդատար մեքենայի մեջ, որին բախվել է «Կամազ» մակնիշի բեռնատարը:
Ոսկեպարցի երիտասարդը Վանաձորում բուհ էր ավարտել, ուներ մշակութաբանի մասնագիտություն, նա Ռուսաստան աշխատանքի էր մեկնել: Բնավորությամբ համեստ երիտասարդի մարմինը կտեղափոխվի հայրենի Ոսկեպար:
Ռաֆիկ Խեչումյանի հայրը` Ավետիս (Էդիկ) Խեչումյանը 2003-2006թթ.եղել է Ոսկեպար համայնքի ղեկավարը, այժմ պատմություն է դասավանդում Ոսկեպարի միջնակարգ դպրոցում:
Կարդացեք նաև
Ոսկան ՍԱՐԳՍՅԱՆ
