Հունահռոմեական ըմբշամարտի աշխարհի առաջնության մեկնարկային օրը Հայաստանինն էր: Մինչեւ 75 կգ քաշային Արսեն Ջուլֆալակյանն այսօր Տաշքենդի մրցագորգում անցկացրեց հինգ գոտեմարտ եւ բոլորում էլ հաղթանակ տանելով՝ իր մարզական կենսագրության մեջ առաջին անգամ նվաճեց աշխարհի չեմպիոնի կոչումը:
Եզրափակչում մեր հավաքականի գլխավոր մարզիչ Լեւոն Ջուլֆալակյանի սանը հանդիպեց Խորվաթիայի ներկայացուցիչ Նեվեն Ժուգայի հետ ու առավել քան համոզիչ հաղթանակ տարավ՝ մեր երկրի հաշվարկին բերելով առաջին, այն էլ՝ ոսկե մեդալը:
Մինչ այդ, Արսենը մրցագորգերում նվաճել էր օլիմպիական եւ աշխարհի արծաթե, աշխարհի՝ բրոնզե, Եվրոպայի՝ ոսկե եւ բրոնզե մեդալներ: Այսօր գյումրեցին իր մեդալների հավաքածուն համալրեց աշխարհի ոսկով: Նրան մնում է նվաճել մարզական մեկ բարձրագույն տիտղոս՝ օլիմպիական չեմպիոնի տիտղոսը:
Կարդացեք նաև
Աշոտ ՀԱԿՈԲՅԱՆ
Կեցցես ԱՐՍԵՆ……………….. ՇԱՏ ԱՊՐԵՍ…………..