Այսօր աշխատանքային այցով Շիրակի մարզում էր նախագահ Սերժ Սարգսյանը: Նա եղավ Գյումրիում, այնուհետ ուղևորվեց Աշոցք ու Ամասիա: Սերժ Սարգսյանը եկել էր մի շարք կառույցների հանդիսավոր բացման արարողությանը մասնակցելու, կարմիր ժապավենները կտրելու: Այդ կառույցների թվում էր Գյումրու տեխնոպարկը, «Բարձրավոլտ էլեկտրացանցեր» ՓԲԸ-ի «Գյումրի 2 ենթակայան»-ը, որի վերականգնումը իրականացվել էր Գերմանիայի KFW բանկի վարկավորմամբ, Գյումրու Մուշ 2 թաղամասում կառուցված ֆուտբոլի ակադեմիան, ինչպես նաև «Լենտեքս» գուլպանասկեղենի նոր արտադրամասը:
Շարքային գյումրեցիներից մի քանիսը, հեռվից տեսնելով, որ Գորկու այգու դիմաց ոստիկաններն ու մարզի պաշտոնյաները շարվել ու հյուրի էին սպասում, հետաքրքրվում էին, թե էս ո՞վ պիտի գա: Նրանցից մեկը, երբ իմացավ, որ նախագահն է գալիս, ընդ որում կառույցներ բացելու, ասաց. «Էս խեր լինի, չի գալիս, չի գալիս, մեկ էլ Սուրբ խաչի օրն է գալիս, բա մի լավ օր գայիր, հետաքրքրվեիր, ինչո՞վ ենք ապրում, ի՞նչ են շնչում, ինչի՞ ենք բիզնեսներս փակում..»:
Ինչևէ, Սերժ Սարգսյանն առաջինն այցելեց Գյումրու տեխնոլոգիական կենտրոն, որի պաշտոնական բացումից հետո նա կարճատև ելույթ ունեցավ դահլիճում: Դահլիճում նստածները բացառապես ուսուցիչներ, դպրոցի տնօրեններ էին, որոնք հոտնկայս ծափահարություններով դիմավորեցին նախագահին, նույն կերպ էլ ճանապարհեցին: Նախագահի ելույթը հիմնականում ուղղված էր ուսուցիչների դերին: Մանկավարժների ու նախագահի միջև ոչ մի երկխոսություն չծավալվեց, հարց ու պատասխան չհնչեց: Նախագահը ելույթն ունենալուն պես շտապեց հեռանալ: Նա մասնավորապես ասաց, որ ապագան կանխորոշվում է կրթությամբ և հայերը, դարեր ի վեր, ուսուցիչներին վերապահել են ամենաբարձր դիրքը հասարակության մեջ: Նաև ասաց, որ մենք այսօր կարիք ունենք վերաիմաստավորելու, վերարժեքավորելու ուսուցչի մասնագիտությունը: Ըստ նախագահի, որակական բարձր չափանիշներին հասնելու հնարավորություն պիտի ստեղծենք, որպեսզի մեր ուսուցիչները վերապատրաստվեն ըստ միջազգային չափորոշիչների:
Նախագահին ամեն մի կառույցում համապատասխան նախարարներ ու տվյալ ոլորտի պատասխանատուներն էին դիմավորում:
Կարդացեք նաև
«Բարձրավոլտ էլեկտրացանցեր ՓԲԸ»-ում նրան դիմավորեց էներգետիկայի և բնական պաշարների նախարար Երվանդ Զախարյանը: Դիմավորողների թիվը ճոխացավ ֆուտբոլի ակադեմիայում: Այստեղ ՀՀ ֆուտբոլի ֆեդերացիայի նախագահ Ռուբեն Հայրապետյանից բացի, նախագահին սպասում էին Սամվել Ալեքսանյանը, Տարոն Մարգարյանը, Դերենիկ Դումանյանը… :
Սերժ Սարգսյանին ամբողջ ընթացքում ուղեկցում էին փոխվարչապետը, Շիրակի մարզից ընտրված պատգամավորներ Սուքիաս Ավետիսյանը, Մարտուն Գրիգորյանը, Աշոտ Աղաբաբյանը:
Նկատենք, որ, ի տարբերություն նախորդ այցերի, նախագահի այս մի այցը բավական անշուք էր: Եթե նախորդ այցերին նամակները ձեռքերին` գոնե բողոքավորներն էին գալիս, փորձում զրույցի բռնվել, երկու բառ փոխանակել երկրի ղեկավարի հետ, ապա այս մի այցի ընթացքում բոլոր տեսակի շփումները բացառվեցին: Հազարավոր խնդիրներ ունեցող այս մարզում նույնիսկ հարց ու պատասխան նախատեսված չէր լրագրողների հետ, թեև վերջիններս կարողացան խախտել ծրագիրը ու նախագահին հարց տալ Գյումրու զարգացման հեռանկարների մասին: Նախագահն ասաց, որ տեսնում է որոշակի փոփոխություններ Գյումրիում, իսկ ամենակարևորը, ըստ նրա, այն է, որ մարդկանց մոտ տեսնում է ցանկություն աշխատելու, արժեք ստեղծելու: Նախագահի ասելով, իրենք էլ ամեն ինչ անելու են, որ այդ ցանկությունը կրկնապատկվի և առկա խնդիրները լուծեն:
Նունե ԱՐԵՎՇԱՏՅԱՆ
Տղեն գործի մեջ է.ժապավեն է կտրում:Իրականում ժապավենով փաթեթավորում է երկիրը :
Давид джан, не надо хамить! Поверьте, Президент за Вас переживает больше, чем тот, кто подталкивает Вас к хамству! Быть воспитанным — трудно, но лучше!
Hayk джан, вы что издеваетесь над всеми нами, о том , что президент переживает за нас? да, действительно, президент переживает, но за себя, зятя, братьев, а армянский народ переживает те потрясения и лишения, которые предлагает президент.Будьте реалистами, и не хамите тем, кто все это видит, и не пытается стать лжецом и лизоблюдом.