Նշվեց Գոշի օրը:
Սեպտեմբերի 13-ին Դիլիջանի տարածաշրջանի Գոշ գյուղում նշվեց գյուղի օրը: Հանդիսությանը ներկա էին Տավուշի մարզի թիվ 41 ընտրատարածքից ԱԺ պատգամավոր Հակոբ Հակոբյանը, Տավուշի մարզպետի տեղակալ Լեւոն Սարգսյանը, Դիլիջանի քաղաքապետ Արմեն Սանթրոսյանը, գոշեցի բարերարներ Հենրիկ Զաքարյանը, Անտոն Մեհրաբյանը, Գոշի հարյուրավոր բնակիչներ, հյուրեր: Միջոցառման մասնակիցները գյուղապետարանի շենքի մոտից երթ կատարեցին, ծաղիկներով խոնարհվեցին Մխիթար Գոշի հուշարձանին, եղան Գոշավանքում, ուր կատարվեց զոհվածների հոգեհանգստյան արարողություն: Այնուհետեւ Գոշի գյուղապետարանի եւ դպրոցի շրջակա հրապարակում կայացավ Հայրենական Մեծ պատերազմում զոհված գոշեցիների հուշակոթողի բացման արարողություն:
Մեծ Հայրենական է մեկնել Գոշի 141 բնակիչ, որից զոհվել կամ անհետ կորել է 77-ը: Հուշարձանը կառուցվել է ռուսաստանաբնակ գոշեցի Հենրիկ Զաքարյանի հովանավորությամբ: Վերջինիս շնորհվեց Գոշ համայնքի պատվավոր անդամի կոչում: Մեկ տարի առաջ՝ 2013թ. սեպտեմբերի 13-ին ռուսաստանաբնակ գոշեցի Անտոն Մեհրաբյանի հովանավորությամբ բացվել է Մխիթար Գոշի հուշարձանը: Մեծ Հայրենականում զոհվածների հուշարձանի բացման կապակցությամբ խոսք ասացին Գոշի գյուղապետ Գեւորգ Ամիրխանյանը եւ ուրիշներ, ներկայացվեց գեղարվեստական ծրագիր:
Կարդացեք նաև
Ոսկան ՍԱՐԳՍՅԱՆ
