Լուրեր են շրջանառվում, որ Գորիսի պետական համալսարանում Սուրեն Խաչատրյանին (լուսանկարում)Սյունիքի մարզպետի պաշտոնին վերադարձնելու նպատակով ստորագրահավաք է սկսվել:
Լուրի հավաստիությունը ստուգելու համար դիմեցինք համալսարանի ռեկտոր Յուրա Սաֆարյանին: Նա ասաց. «Գորիսի պետական համալսարանը նման ստորագրահավաք չի կազմակերպել: Կրթօջախը քաղաքական պայքարի տեղ չէ և նման գործերով չի զբաղվում: Դա նրա իրավասությունից դուրս հարց է: Համալսարանը գործում է իր իրավասությունների շրջանակում, զբաղվում է ուսանողների կրթությամբ, կրթության որակի բարձրացմամբ: Այժմ համալսարանը միջազգային 6 ծրագրերով համագործակցում է եվրոպական մի շարք երկրների առաջատար համալսարանների հետ, որի նպատակն է Բոլոնիայի գործընթացի շրջանակներում համալսարանի կրթական համակարգը համապատասխանեցնել եվրոպական կրթական համակարգերին, կատարել ուսանողների փոխանակումներ: Փոխանակման ծրագրերով այս պահին համալսարանից 10 ուսանողներ սովորում են Անգլիայի, Սերբիայի, Վրաստանի առաջատար համալսարաններում»:
Ալվարդ Մեսրոպյան
Գորիս
Վայ, փչան Թոդորոս, նա ալի է ասում, դու վալի ես ասում: Ինչ կապ ունի սրա պատասխանը Ալվարդի հարցի հետ: Սաֆարովը առիթը բաց չի թողնում համալսարանի չեղած ձեռքբերումները ներկայացնելու: Խեղճ մարդ, փրփուրներից ես բռնում, ախր վերջդ եկել է, հերիք է: