Հաշտեցում Թուրքիայի հետ, Լեռնային Ղարաբաղի խնդրի խաղաղ կարգավորում, ժողովրդավարության ամրապնդում և պայքար կոռուպցիայի դեմ. սրանք են լինելու Հայաստանում Միացյալ Նահանգների դեսպանի պաշտոնում առաջադրված Ռիչարդ Միլզի առաջնահերթությունները պաշտոնավարման ընթացքում: Այս մասին ամերիկացի դիվանագետը հայտարարեց չորեքշաբթի երեկոյան Սենատի արտաքին հարաբերությունների հանձնաժողովում կայացած լսումների ժամանակ:
«Հայաստանի նկատմամբ մեր քաղաքականության նպատակները շատ հստակ են` ազատ և բարգավաճ Հայաստան, որ խաղաղ համակեցության մեջ կգտնվի հարևանների հետ: Այս նպատակի իրագործումը նշանակում է ժողովրդավարության ամրապնդում, պայքար կոռուպցիայի դեմ, տնտեսության ազատականացում: Այս նպատակին կծառայեն նաև Լեռնային Ղարաբաղի խնդրի խաղաղ կարգավորումը Մինսկի խմբի շրջանակներում, ինչպես նաև հաշտեցումը հարևան Թուրքիայի հետ` հայ ժողովրդի կրած տառապանքների արդար, անկեղծ և լիարժեք ճանաչման միջոցով»,- ասաց Միլզը:
Միլզի խոսքով, սակայն, Վաշինգտոնում առանձնապես ոգևորված չեն արտաքին քաղաքական այն կուրսից, որ վերջին շրջանում որդեգրել է պաշտոնական Երևանը:
Գեւորգ Ստամբոլցյան
Կարդացեք նաև
Նյութի մանրամասները կարդացեք «Ազատություն» ռադիոկայանի կայքում
