«Առաջին անգամ հայտարարում եմ, որ Մեծի Տանն Կիլիկիո կաթողիկոսությունը մոտ թվականին դիմելու է Թուրքիայի Սահմանադրական դատարան`իր պատմական կենտրոնի` Սիսի կաթողիկոսարանի վերադարձի պահանջով»,-այսպիսի սենսացիոն հայտարարությամբ այսօր Հայաստան-Սփյուռք համաժողովին հանդես եկավ Մեծի Տանն Կիլիկիո կաթողիկոս Ն.Ս.Օ.Տ.Տ. Արամ Առաջինը:
Արամ Առաջինը շեշտեց, թե զգացական և քարոզչական մոտեցմամբ չէ, որ այս հանդուգն քայլին են դիմել, այլ խորհրդակցել են միջազգային օրենքի ու դատական հարցերի մասնագետների հետ ու հայտարարեց. «Ավելին, սովորական եկեղեցապատկան կալվածքները պահանջելու մոտեցումը չէ, այլ Կիլիկիո Կաթողիկոսարանը խորհրդանշական խորհուրդ ունի Կիլիկիո հայության և ողջ հայության համար: Գիտենք նաև, որ հիշյալ հարցը դուռը պիտի դառնա մեր ազգապատկան և եկեղեցապատկան կալվածքների վերադարձի համար»: Արամ Առաջինը շեշտեց նաև, որ «Եթե Թուրքիայի Սահմանադրական դատարանը մերժի այդ հայցը, ապա հնարավոր է ինքը դիմի Եվրոպական դատարան»:
Տաթև ՀԱՐՈՒԹՅՈՒՆՅԱՆ
