«Շոտլանդիայի ժողովուրդը դարերով պայքարել է իր ազատության ու անկախության համար: Այդ պայքարը ուղղված է եղել Անգլիայի դեմ: Բայց այսօր ժամանակները այլ են: Արդեն 21-րդ դարն է եւ փոխվում են ազատությունների ու անկախության մասին դարերով եղած պատկերացումները»,- Aravot.am-ի հետ զրույցում ասաց իրավապաշտպան Վարդան Հարությունյանն` անդրադառնալով Շոտլանդիայի հանրաքվեին, որի արդյունքներով շոտլանդացիներն ի վերջո որոշեցին չանկախանալ:
«Այն, ինչ աներեւակայելի կարող էր թվալ 19-20-րդ դարերում ու դրանից էլ առաջ, այսօր նորմալ երեւույթ է: Այս նոր պատկերացումների շրջանակներում էլ պետք է դիտարկենք այդ հանրաքվեն: Այն համահունչ էր 21-րդ դարի ժամանակների ոգուն եւ արտահայտում է շոտլանդիայի ժողովրդի կամքը: Կարեւոր է շեշտել՝ այսօրվա կամքը»:
Նելլի ԳՐԻԳՈՐՅԱՆ
