Սեյրան Օհանյանը տրամաբանական է համարում, որ համաժողովը կազմակերպվել է հենց սեպտեմբեր ամսին:
«Մեզ համար մեծագույն պատիվ է, որ «Հայաստան-սփյուռք» 5-րդ համաժողովի մասնակիցներն այսօր իրենց հարազատ օջախում են, այսօր իրենց երկրում են՝ Հայաստանում, եւ իրենց երկիրի ապահովությունն ապահովող կառույցում են՝ բանակում են»,- այսօր՝ սեպտեմբերի 20-ին, Պաշտպանության նախարարությունում այսպես ողջունեց «Հայաստան-սփյուռք» 5-րդ համաժողովի ներկայացուցիչներին ՀՀ պաշտպանության նախարար Սեյրան Օհանյանը:
Նա տրամաբանական է համարում, որ համաժողովն անցկացվում է հենց սեպտեմբեր ամսին, քանի որ սեպտեմբեր ամիսն անկախության եւ անվտանգության ամիս է, որովհետեւ ե՛ւ Լեռնային Ղարաբաղի Նախարարության, ե՛ւ Հայաստանի Հանրապետության անկախությունները ձեռք են բերվել հենց այդ ամսին:
Կարդացեք նաև
«Այս համաժողովի մեջ ընդգրկված խնդիրները բերում են նրան, որ մենք մտածելու ենք մեր Հայաստանի Հանրապետության ապագայի մասին: Կազմակերպվող այս միջոցառումը, գտնում եմ, որ արդյունավետ է, եւ այն արտահայտված է այն հայտարարության յոթ կետերով, որի մասին խոսել է տիկին Հակոբյանը»,-ասաց նա:
Նա հավելեց, որ 2014 թվականը Հայաստանի զինված ուժերի համար լարված տարի էր, եւ հայկական բանակը՝ ինչպես Արցախյան գոյամարտի ընթացքում, իր առջեւ դրված քննությունը նորից գերազանց հանձնեց. «Վերջին տարիներին հակառակորդի ղեկավարությունը, մանավանդ, բանակցային գործընթացի շրջանակներում փորձում է ուժի միջոցով լարվածություն ստեղծել: Այդ ամենը չստացվեց, որովհետեւ հայկական բանակը շարունակում է պապանել այն բարոյական հիմունքները, որոնք եղել են իր կազմավարության ակունքներում»:
Ամի ՉԻՉԱԿՅԱՆ
