Գորիսում նշվեց քաղաքացիական հասարակության օրը: «Քաղաքացիական հասարակությունը մենք ենք»՝ օրվա խորհրդով քաղաքի ՀԿ-ների ներկայացուցիչները Գորիսի և տարածաշրջանի գյուղերի դպրոցներում աշակերտների առջև հանդես եկան դասախոսություններով, բնակչությանը բաժանեցին քարոզչական նյութեր: Իսկ երեկոյան ՀԿ սեկտորը հավաքվեց քաղաքի «Դիանա» հյուրանոցի սրահում: Օրը միասին նշելու համար այդտեղ էին նաև Գորիսի քաղաքապետ Վաչագան Ադունցը, քաղաքապետարանի աշխատողներ, մի շարք կազմակերպությունների ներկայացուցիչներ, ովքեր ակտիվորեն համագործակցում են ՀԿ-ների հետ:
Գորիսի քաղաքապետը քաղաքապետարանի պաշտոնական կայքում շնորհավորել է հկ-ներին՝ քաղաքացիական հասարակության օրվա առթիվ:Իսկ դա նշանակում է նաև, որ նորընտիր քաղաքապետը կարևորում է հասարակական սեկտորի հետ աշխատելը ՝ այն դիտելով առաջընթացի ուղիներից մեկը: Շարունակելով իր խոսքը՝Վաչագան Ադունցն ասաց. «Օրը ոչ միայն հկ-ներինն է, այլև բոլորինը, այսինքն, բոլոր նրանցը, ովքեր իրենց համարում են քաղաքացիական հասարակության մի մասնիկը: Ուստի հրամայական է , որ բոլորս միասին կառուցենք մեր ապագան, վերջ տանք անտարբերությանը, ապրենք այնպես, որ մեր երեխաների համար կարողանանք լավ ապագա ստեղծել, որ նրանք չամաչեն մեզ համար: Միայն համագործակցությունը, երկխոսությունը կարող են առաջընթաց արձանագրել, դրական ազդեցություն ունենալ մարդկանց կյանքի վրա: Ուստի երկխոսությունը և համագործակցությունը դարձնենք կեսակերպ» :
«ԳՈՒՄ» ՀԿ նախագահ Արտաշես Տոռոզյանը գտնում է, որ պետք է ավելի խթանել քաղաքացիական հասարակության համագործակցությունը տարբեր կառույցների միջև, նպատակ ունենալով ստեղծել ավելի բարգավաճ համայնք:Իսկ հկ-ները ամենևին 5-րդ շարասյուն չեն: Երկիրը կայացած է, եթե ունի ուժեղ, զարգացած քաղաքացիական հասարակություն:
Օրվա խորհրդի համար ՀԿ սեկռորին շնորհավորեցին տարբեր կազմակերպությունների ներկայացուցիչներ, նշելով , որ իրենք միշտ էլ պատրաստ են համագործակցության: Ու կատակեցին նաև. «Մի քիչ կթերանանք մեր գործերում, որպեսզի ՀԿ-ները կարողանան ծրագրեր շահել»:
Կարդացեք նաև
Քաղաքի ՀԿ-ները իրենց կողմից շնորհակալագրեր հանձնեցին իրենց հետ ակտիվ համագործակցող կազմակերպություններին:
Ալվարդ Մեսրոպյան
Գորիս
