Լրահոս
Օրվա լրահոսը

Նախարարը հրավիրել է դեսպանին շրջայց կատարել «Արմավիր» քրեակատարողական հիմնարկում

Սեպտեմբեր 22,2014 13:21

ՀՀ արդարադատության նախարար Հովհաննես Մանուկյանն ընդունել է Հայաստանի Հանրապետությունում Մեծ Բրիտանիայի եւ Հյուսիսային Իռլանդիայի Միացյալ Թագավորության դեսպան Քեթրին (Քեթի) Լիչին։

Նախարարը տիկին Լիչի խնդրանքով ներկայացրել է նախարարության գերակա, ինչպես նաև առաջնահերթ լուծում պահանջող խնդիրները: Հովհաննես Մանուկյանը նշել է նաև, որ զգալի աշխատանք է կատարվել դատաիրավական համակարգը բարեփոխելու ուղղությամբ: Այդ ոլորտը մշտապես գտնվում է նախարարության ուշադրության կենտրոնում և ակտիվ պետական քաղաքականության շնորհիվ աշխատանքներ են իրականացվում ոլորտում առկա թերությունները շտկելու և կայուն համակարգ ձևավորելու ուղղությամբ: Նախարարը, ներկայացնելով նախարարության առաջնահերթությունները, նշել է, որ դրանց ընդհանրական նպատակը արդարադատության համակարգի նկատմամբ հանրային վստահության բարձրացումն է՝ կարևորելով հատկապես այն աշխատակիցների դերն այդ հարցում, ովքեր իրենց ամենօրյա աշխատանքով շփվում են քաղաքացիների հետ:
Հովհաննես Մանուկյանը անդրադարձել է պետության կողմից կարևոր խնդիրների լուծմանը հանրային սեկտորի մասնակցության անհրաժեշտությանը և դեսպանի ուշադրությունն է հրավիրել ՀՀ արդարադատության նախարարին կից հանրային խորհրդի աշխատանքներին՝ ընդգծելով, որ Կառավարության կողմից Ազգային ժողով ներկայացվելիք բոլոր կարևոր օրենքների նախագծերը քննարկվում են խորհրդում:

Հանդիպմանը քննարկվել են նաև մարդու իրավունքներին առնչվող հարցեր: Դեսպանը հետաքրքրվել է հատկապես դատապարտյալների իրավունքներով ու պահման պայմաններով: Նախարարը հավաստիացրել է, որ այդ հարցերը նախարարության ուշադրության կենտրոնում են: Նա նշել է, որ նոր «Արմավիր» քրեակատարողական հիմնարկի շահագործմամբ հնարավոր կդառնա մասնակիորեն լուծել քրեակատարողական հիմնարկների գերբեռնվածության խնդիրը:

Կողմերը պատրաստակամություն են հայտնել շարունակել և էլ ավելի արդյունավետ դարձնել արդարադատության ոլորտում երկու երկրների միջև համագործակցությունը:
Հանդիպման ավարտին նախարարը հրավիրել է դեսպանին առաջիկայում շրջայց իրականացնել «Արմավիր» ՔԿՀ-ում՝ տեղում ծանոթանալով նորակառույց հիմնարկին: Դեսպանը սիրով ընդունել է հրավերը:

ՀՀ արդարադատության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Սեպտեմբեր 2014
Երկ Երե Չոր Հնգ Ուրբ Շաբ Կիր
« Օգո   Հոկ »
1234567
891011121314
15161718192021
22232425262728
2930