Ակումբը եւ մշակույթի տունը 200 հազար դրամ պարտք ունեն:
Ախթալայի քաղաքապետ Հայկազ Խաչիկյանին (Լոռու մարզպետարանի ինտերնտետային կայքում նա որպես Հայկ Խաչիկյան է ներկայացված) հարցրինք, թե հանգուցյալ Սերոբ-Տեր Պողոսյանին պատկանող ընկերությունները Ախթալա համայնքին պարտքեր ունե՞ն: Նա ասաց, որ Ախթալայի մշակույթի տունը եւ ակումբը շուրջ 200 հազար դրամ պարտք ունեն:
Ախթալայի լեռնահարստացման կոմբինատի պատկանելության վերաբերյալ նա հայտնեց, որ այժմ կոմբինատը տնօրինում են այլ անձինք, հավելելով՝ ինքը 99 տոկոսով տեղյակ է, որ կոմբինատը ներկայումս պատկանում է «Ապառաժ» ՍՊԸ-ին: Հայկազ Խաչիկյանին հարց տվեցինք նաեւ մամուլում տարածված լուրերի վերաբերյալ, թե ինքն ու իր եղբայր Վազգեն Խաչիկյանը ցանկացել են տիրանալ Սերոբ Տեր-Պողոսյանի ունեցածքին:
«Հեքիաթներ են, որեւէ հիմք չկա»,-ասաց Խաչիկյանը: Նա հայտնեց, որ Միքայել Արամյանցի առանձնատունը Սերոբ Տեր- Պողոսյանի կողմից սեփականաշնորհելու վերաբերյալ ինքը, համայնքի անունից, դիմել է դատախազություն, սակայն դատախազությունը դրանում անօրինականություն չի հայտնաբերել: Քաղաքապետը հավելեց որ մտադիր են դիմել կառավարություն առաջարկելով , որպեսզի պատմամշակութային արժեք ներկայացնող այդ առանձնատունը, որը բարձիթողի վիճակում է գտնվում, սեփականատիրոջը նրա կատարած ծախսերը վճարելուց հետո, որպես պետական սեփականություն, հանրային գերակա շահ ճանաչվի:
Կարդացեք նաև
Ոսկան ՍԱՐԳՍՅԱՆ
Հայկազ Խաչիկյանի լուսանկարը՝ Ախթալայի քաղաքապետարանի ինտերնետային կայքից
