Գյումրու կենտրոնական շուկան փակած առևտրականներն այսօր ծաղրեցին Ազգային ժողովի աշխատանքները` պատգամավորներին մեկ-մեկ հատ կոճակ սեղմողներ անվանելով, այնուհետ պահանջեցին երկրի նախագահի ու վարչապետի հրաժարականը:
«Մինչև վերջ կանգնելու ենք, փոխմարզպետը ուզում է թողնի- գնա, ճամփեն բացեք, թող գնա: Իսկ դուք գիտե՞ք` որն է մեր բողոքի թեման: Էս ժողովուրդը ուզում է, որ իրենց երեխաները նորմալ ապրեն, բողոքի թեման էն է, որ էս կառավարությունը հրաժարական տա, մենք մուկ ու կատու խաղալու ժամանակ չունենք: Թող վարչապետն ու նախագահն ելնեն պաշտոններից, չենք գնա մինչև մեր ասածը չլինի»:
Այնուհետ փոխմարզպետ Հարություն Արշակյանը հորդորեց բացել փակած փողոցը:Նա ասաց, որ ինքը պատրաստվում է առևտրականների բողոքի թեման մանրամասնորեն զեկուցել մարզպետին: «Դուք իմ ժողովուրդն եք, ես ձեր շահերի պաշտպանն եմ»,- ասում
Բողոքավորներից մեկը, Շիրակի փոխմարզպետին սկսեց հարցաքննել, թե որ տեղ հասնի` ինչպե՞ս պիտի ներկայացնի իրենց բողոքը, ի՞նչ հասկացավ վերջինս իրենց բողոքի թեմայից: Ի պատասխան, փոխմարզպետը համեստորեն սկսեց թվարկել առևտրականների ներկայացրած պահանջները:
Նունե ԱՐԵՎՇԱՏՅԱՆ
Կարդացեք նաև
