«Բարգավաճ Հայաստան» խմբակցության սենյակում արդեն մեկնարկել է խորհրդարանական քառյակի՝ ՀԱԿ, ԲՀԿ, «Ժառանգություն» եւ ՀՅԴ, հերթական նիստը, որտեղ քննարկվելու են շրջանառության հարկի մասին օրենքի հետ կապված իրավիճակին արձագանքելու հետագա քայլերը:
Հիշեցնենք, որ այսօրվանից գործողության մեջ մտնող օրենքը նախատեսում է շրջանառության հարկի նվազեցում 3,5 տոկոսից 1% եւ շրջանառության փաստաթղթավորում:
Արդեն մեկ շաբաթ է՝ առեւտրականները կառավարության շենքի եւ խորհրդարանի առջեւ ակցիաներ են անում՝ բողոքելով օրենքի կիրառման դեմ: Երեկ խորհրդարանական ոչ իշխանական ուժերը, այդ թվում՝ նաեւ ՕԵԿ-ը, արտահերթ նիստ հրավիրեցին՝ օրենքը ընտրանքային կարգով կիրառելու օրակարգով: ՀՀԿ-ական եւ որոշ ԲՀԿ-ական պատգամավորներ նիստին չներկայացան: Արտահերթը տապալվեց: Այնուհետեւ քառյակի պատգամավորները ցուցարարներին խոստացան այսօրվա նիստում քննարկել եւ լուծումներ գտնել:
Քառյակի նիստին ԲՀԿ-ից մասնակցում է Միքայել Մելքումյանը, ՀԱԿ-ից՝ Արամ Մանուկյանը, ՀՅԴ-ից՝ Արծվիկ Մինասյանը, ՕԵԿ-ական պատգամավորները նիստին ներկա չեն:
Կարդացեք նաև
Հովհաննես Մարգարյանն Aravot.am-ի հետ զրույցում ասաց, որ որեւէ առաջարկ դեռ չի ստացվել, թե ինչ կորոշվի եւ գործողություններն ինչ ընթացք կստանան՝ Հովհաննես Մարգարյանն ասաց. «Սպասենք, կտեսնենք»:
Նելլի ԳՐԻԳՈՐՅԱՆ
