Խորհրդարանական քառյակը քիչ առաջ ավարտված նիստում որոշել է խորհրդարանի լիագումար նիստի մեկնարկին հայտարարությամբ դիմել խորհրդարանական բոլոր ուժերին` ԱԺ նախագահի մոտ հրատապ խորհրդակցության հավաքվելու հորդորով: Այդ մասին նիստի ավարտից հետո լրագրողներին ասաց ԲՀԿ-ական պատգամավոր Միքայել Մելքումյանը:
ԱԺ նախագահի մոտ հրատապ հավաքում քառյակի պատգամավորներն ակնկալում են իշխող ուժի հետ լուծումներ գտնել`այսօրվանից գործողության մեջ մտնող «Շրջանառության հարկի մասին» ՀՀ օրենքի առաջացրած բողոքի ալիքը մեղմելու համար:
Լրագրողներից մեկի հարցին`ՀՀԿ-ի կողմից երեկ արտահերթ նիստը տապալելուց հետո ի՞նչ հույսեր են կապում, Միքայել Մելքումյանն ասաց. «Քաղաքականությունը հնարավորինի արվեստ է»: Հրատապ քննարկման առաջարկի մերժման դեպքում, քառյակը հերթական ստորագրահավաքը կսկսի` հերթական արտահերթ նիստն անցկացնելու պահանջով:
Միքայել Մելքումյանը նաեւ տեղեկացրեց, որ իրենք հեռախոսազանգեր են ստանում Գյումրիից, որտեղ բողոքի ալիքն ավելի լայն թափ է ստանում:
Կարդացեք նաև
ՕԵԿ-ն, ի դեպ, քառյակի նիստին այդպես էլ չի մասնակցել:
Նելլի ԳՐԻԳՈՐՅԱՆ
