Պատճառը՝ դատարանի ծանրաբեռնվածությունն էր
Այսօր՝ հոկտեմբերի 2-ին, Արաբկիր եւ Քանաքեռ-Զեյթուն վարչական շրջանների ընդհանուր իրավասության դատարանում պետք է տեղի ունենար «Կարեն Դեմիրճյանի անվան մետրոպոլիտենի» նախկին աշխատակիցների գործով դատական նիստը: Սակայն 45 րոպե սպասելուց հետո կողմերին տեղեկացրեցին, որ ծանրաբեռնվածության պատճառով դատական նիստը հետաձգվում է, հաջորդ դատական նիստը նշանակվեց հոկտեմբերի 10-ին:
Հիշեցնենք՝ «Կարեն Դեմիրճյանի անվան մետրոպոլիտեն» ՓԲԸ-ի արդեն նախկին աշխատակիցներ Գագիկ Գալստյանը, Սեւակ Հովհաննիսյանը եւ Անդրանիկ Գեւորգյանը հունվար ամսին ազատվել են աշխատանքից: Եվ հիմա դատարանում իրենք վիճարկում են աշխատանքից ազատման հրամաններն անվավեր ճանաչելու, նախկին աշխատանքը վերականգնելու, հարկադիր պարապուրդի գումարները վճարելու հարցերը:
Կարդացեք նաև
Ամի ՉԻՉԱԿՅԱՆ
