Այսօր՝ հոկտեմբերի 9-ին, «Բաց թողնված խաղաղությունից մինչեւ Եվրամիության հիմնումը» միջոցառման ընթացքում Հայաստանում Գերմանիայի արտակարգ եւ լիազոր դեսպան Ռայներ Մորելը անդրադարձավ Հայոց ցեղասպանությանը` նշելով, որ գուցե Թուրքիային ավելի երկար ժամանակ է պետք խորհելու համար.
«Մենք փորձել ենք Իսրայելի հետ եւ կարծում եմ` ստացվել է: Բայց մենք իրավունք չունենք ինչ-որ մեկին պարտադրել հարցը»:
Դեսպանը հավելեց, որ Գերմանիան Հայոց ցեղասպանության փաստը ճանաչում է, եւ գիտակցում է, թե իրականում ինչ է տեղի ունեցել: Նա նշեց, որ ցեղասպանության մասին կա մեծ գրականություն, որի հեղինակների թվում կան նաեւ գերմանացիներ.
«Մենք միշտ էլ գիտակցել ենք, որ մեծ ողբերգություն է տեղի ունեցել Առաջին համաշխարհային պատերազմի շրջանակներում, եւ Բունդեսթագում կա բանաձեւ եւ ցեղասպանության փաստ այնտեղ հիշատակվում է, եւ բացասական գնահատական է տրվում այդ երեւույթին»:
Կարդացեք նաև
Ամի ՉԻՉԱԿՅԱՆ
