Ճշմարիտյան. «ԱՊՀ-ն ավելի մոտիկ է ԽՍՀՄ-ին, քան ԵՏՄ-ն» (Տեսանյութ)

Շատ են կարծիքները, որ Մաքսային միությունը, Եվրասիական տնտեսական միությունը (ԵՏՄ) Խորհրդային միության մոդելն է: Այսօր Aravot.am-ը էկոնոմիկայի նախարար Կարեն Ճշմարիտյանից հետաքրքրվեց, թե ինչ կարծիք ունի այդ մասին, ինչին ի պատասխան պարոն Ճշմարիտյանն ասաց, որ ԱՊՀ-ն ավելի նման է, քան Եվրասիական տնտեսական միությունը:

«ԱՊՀ-ն ավելի մոտիկ է ԽՍՀՄ-ին, քանի որ այն քաղաքական կառույց է, իսկ ԵՏՄ-ն՝ տնտեսական»:

Մանրամասն` տեսանյութում

Պարոն Ճշմարիտյանն այսօր լրագրողների հետ հանդիպմանն անդրադարձավ
ԱՄՆ-ում հոկտեմբերի 10-12-ը կայացած Համաշխարհային բանկի խմբի եւ Արժույթի միջազգային հիմնադրամի տարեկան ժողովին: Ըստ նախարարի, Հայաստան- Համաշխարհային բանկ գործընկերության փաթեթն այս տարվա հուլիսի դրությամբ, ավելի քան 100 ծրագիր է ներառում, մոտ 2 միլիարդ դոլար տեղաբաշխված ռեսուրս: 2014-2017թթ. ռազմավարության շրջանակներում պլանավորված է 13 ծրագրերի համար 711 մլն դոլար վարկային փաթեթ` ներառելով տնտեսական աճի արագացման, մրցակցության խրախուսման եւ աշխատատեղերի ստեղծման, առեւտրի խթանման եւ որակի ենթակառուցվածքների բարելավման, զբոսաշրջության եւ տեղական տնտեսության զարգացման եւ այլ ուղղությունները: Համաշխարհային բանկի զարգացման քաղաքականության գործառնությամբ պլանավորված է 257 միլիոն դոլարի բյուջետային ուղղակի աջակցություն, որից 72 միլիոն դոլարը տեղաբաշխվել է 2013 թվականի դեկտեմբերին:

Կարդացեք նաև

«Ոչինչ էլ չի վերջացել, և չի կարող վերջանալ, պատմության անիվը պտտվում է, և մեզնից է կախված՝ կընկնենք այդ անիվի տակ, թե կվերականգնվենք»

• 23:50 02.10.2023

Ադրբեջանի տարածքում «միջազգային երաշխի՞ք։ Այդ ո՞ր երկրներն են, որ կարող են ապահովել «միջազգային երաշխիքներ» Ադրբեջանի ներսում. Կարեն Ճշմարիտյան

• 17:02 29.05.2023

Քանի անգամ պետք է նույն բանը կրկնեն, որ վերջապես ընկալվի, թե որ երկրից, որ կենտրոնից, երբ և ինչ կարելի է ակնկալել, խնդրել, կամ պահանջել․ Կարեն Ճշմարիտյան

• 11:37 18.01.2023

Հիշեցնենք, որ հոկտեմբերի 10-12-ը Վաշինգտոնում վերը նշված ժողովին մասնակցել է նաեւ ՀՀ վարչապետ Հովիկ Աբրահամյանը:

Նելլի ԲԱԲԱՅԱՆ