Եվ դեմ է ինքնիշխանության կորուստի ցանկացած դրսեւորմանը:
«ԵՏՄ համաձայնագիրը բացարձակապես մերժելի է»,- այսօր՝ սեպտեմբերի 18-ին, «Երկու երես» մամլո ակումբում հայտարարեց «Հայազն» կուսակցության անդամ Արմեն Աղայանը:
Նրա կարծիքով՝ Հայաստանը չպետք է անդամակցի որեւէ վերպետական կազմավորման, նոր ԽՍՀՄ ստեղծելու նախագծին: Նա հավելեց, որ իրենք դեմ են նաեւ Եվրամիությանը. «Եվրամիությունը ենթադրում է ինքնիշխանության կորուստ՝ մի մասը, այսինքն՝ մեր սեփական խնդիրները լուծելու իրավունքի մի մասը պետք է փոխանցենք Եվրամիությանը: Եվրասիական տնտեսական միությունում էլ նույնն է, նայե՛ք մաքսային պայմանագիրը, հետագա պայմանագրերը, որ Հայաստանը պետք է ստորագրի, եւ կտեսնեք, որ ինքնիշխանության մի ահռելի բաժին մենք պետք է փոխանցենք ինչ-որ անհասկանալի կառույցների, որոնք ինչ-ինչ անհասկանալի շահերից պետք է քանդեն մեր տունը»:
Կարդացեք նաև
Նա նշեց, որ «Հայազնը» կողմ է Հայաստանի՝ բացարձակ ինքնիշխանությանը, եւ դրանից էլ բխում է, որ կուսակցությունը պետք է դեմ լինի ինքնիշխանության կորուստի ցանկացած դրսեւորմանը:
Ամի ՉԻՉԱԿՅԱՆ
