Լրահոս
Օրվա լրահոսը

Նախախորհրդարանի հայտարարությունը՝ Ալեք Ենիգոմշյանի հանդեպ անթույլատրելի վերաբերմունքի մասին (լրամշակված)

Հոկտեմբեր 19,2014 20:36

Այսօր՝ ժամը 19:45 սահմաններում, Նախախորհրդարանի քարտուղարության անդամ Ալեք Ենիգոմշյանը «100-ամյակը առանց ռեժիմի» իրազեկման ավտոերթի ավարտից հետո Ալեք Մանուկյան 5/5 հասցեում գտնվող Նախախորհրդարանի գրասենյակից իր հարևանի հետ միասին՝ վերջինիս ավտոմեքենայով, տուն վերադառնալիս է լինում, երբ Սայաթ-Նովա փողոցի վրա՝ Ֆրանսիայի հրապարակի հարակից հատվածում, նրանց ավտոմեքենային են մոտենում մի խումբ անձինք՝ ներկայանալով որպես Ոստիկանության քրեական հետախուզության բաժնի աշխատակիցներ: Նրանք Ալեք Ենիգոմշյանին կոպտորեն քաշքշելով դուրս են հանել ավտոմեքենայից, իսկ հարևանին բերման ենթարկել՝ մեքենայի հետ միասին: 
Չնայած այն հանգամանքին, որ Ալեք Ենիգոմշյանը մի քանի անգամ կրկնել է, որ կույր է, չի տեսնում, ոստիկանության աշխատակիցները նրան թողել են փողոցի բանուկ հատվածում և հեռացել՝ իրենց հետ տանելով հարևանին և վերջինիս ավտոմեքենան: 
Որոշ ժամանակ անց պատահական անցորդներ մոտեցել են Ալեք Ենիգոմշյանին և դուրս բերել փողոցի բանուկ հատվածից: 

Հ.Գ.-  Հայտնում ենք, որԱլեք Ենիգոմշյանի հարևանը Վահրամ Գաբրիելյանն է: Վերջինս Ալեք Ենիգոմշյանի հետ միասին եղել է BMW մակնիշի մուգ մոխրագույն ավտոմեքենայում (պետհամարանիշը՝ 21 SU 321):

Ալեք Ենիգոմշյանի փաստաբանի և նրա ընկերների որոնումները մինչ այս պահը արդյունք չեն տալիս: Ոստիկանության Երևանի կենտրոնական բաժնից պատասխանում են, որ Կենտրոնի բաժին այդպիսի մարդ բերման չի ենթարկվել:

 



Նախախորհրդարանի քարտուղարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Maxim says:

    Իկարկե շուտով ամեն ինչ պարզ կդառնա՝ ոստիկանի հագուստով անասունների անունները։ Բայց մի՞ թե՛ որևէ մեկին զարմացնում է նրանց արարքը, որոնք պատրաստ են ցանկցած ստորության, հանուն՝ լափի։

  2. yervant says:

    Եթէ ընտիր ազգային հերոսի մը ճակատագիրը այս է ինչ ակնկալութիւններ կրնանք ունենալ
    նման իշխանութիւններէ,անոնց շռայլած սին խոստումներէ,անոնց մանկլաւիկներէ,եւ որ ի կարգին։
    Թող շարունակեն միլիոններ մսխել հրապարակներուն վրայ տօներ կազմակերպելով,եւ քանի ժողովուրդը սկսած է հասկնալ որ նոյնիսկ իրենց սիրած երգիչ-պարողներէն շատեր երկրէն հեռացած են եւ ԱՄՆ-էն կու գան ու Ամն կը վերադառնան քէրմէսի աւարտին։ Ափսոս այս երկրին որ միայն փոքրաթիւ կարգին մտաւորականներ ունի որոնց ձայնը այս անախորժ ժխորին մէջ խեղթուած է։

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031