Առողջապահության համաշխարհային կազմակերպությունը երկուշաբթի հայտարարել է, որ Նիգերիան հաղթահարել է Էբոլա համաճարակը: Արդեն վեց շաբաթ է հիվանդության որևիցե դեպք այնտեղ չի գրանցվել, փոխանցում է «Ռոյթերս»-ը:
«Սա աննախադեպ հաջողություն է», – Նիգերիայի մայրաքաղաք Աբուջայում տեղի ունեցած մամուլի ասուլիսի ժամանակ ասել է ԱՀԿ-ի ներկայացուցիչ Ռուի Գամա Վազը, – «Բայց մենք պետք է հասկանանք, որ մենք ընդամենը ճակատամարտ ենք հաղթել, պատերազմը կավարտվի, երբ կհայտարարվի, որ Արևմտյան Աֆրիկան էլ է ազատվել Էբոլայից»:
Համաճարակը Նիգերիա էր թափանցել Լիբերիայից: Հիվանդության առաջին դեպքը գրանցվել էր ամերիկացի դիվանագետ Պատրիկ Սոյերի մոտ հուլիսի 20-ին:
Պատրաստեց Հովհաննես ԻՇԽԱՆՅԱՆԸ
Կարդացեք նաև
