Լրահոս
Օրվա լրահոսը

Արթուր Աբրահամ. «Ամերիկայում էլ մրցավարները սուրբ չեն»

Հոկտեմբեր 20,2014 18:04

Մինչ Aravot.am-ի հարցին պատասխանելը, թե ի՞նչն է պատճառը, որ հայտարարել է` եթե ամերիկացիները իր գոտու վրա աչք ունեն, ապա իրենք պետք է գան Եվրոպա, Արթուր Աբրահամն անդրադարձավ Ռիո դե Ժանեյրոյի օլիմպիական խաղերում Հայաստանի բռնցքամարտիկների մասնակցության եւ մեդալ նվաճելու հնարավորություններին. «Հայաստանը միշտ էլ բռնցքամարտի ուժեղ դպրոց է ունեցել, տվել է աշխարհի, Եվրոպայի չեմպիոններ ու մեդալակիրներ:

Վստահ եմ, որ աշխարհի ու Եվրոպայի գալիք առաջնություններում մենք մի երկու ոսկի կունենանք: Իսկ ինչ վերաբերում է օլիմպիական խաղերին, այնտեղ շատ դժվար է լինելու: Նախ, մասնակցելու են բոլոր ուժեղագույնները ու մենամարտերում միավորների տարբերությունը մեծ չի լինելու:

Պետք է օլիմպիական խաղերում յուրային ունենալ, որովհետեւ, երբ մրցավարները համակարգչի վրա միավորները խփում են, կարող են ինչ-ինչ բաներ հաշվի առնել: Իսկ ինչ վերաբերում է Aravot.am-ի հարցին, ընդհանուր առմամբ` դեմ չեմ Ամերիկա գնալ: Սակայն ժամային տարբերության հարց գոյություն ունի, որին պետք է հարմարվել: Բացի դա, այնտեղ էլ կան մրցավարների մեջ որոշակի կապեր ու այնտեղ էլ մրցավարները սուրբ չեն», – ասաց WBO վարկածով աշխարհի չեմպիոնը:

Աշոտ ՀԱԿՈԲՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031