Շուրջ մեկ ամսվա ադրբեջանական գերությունից վերադարձած, Նոյեմբերյան քաղաքի 53-ամյա բնակիչ Սարգիս Անանյանը Կողբ գյուղում բնակվող քրոջ՝ Քնարիկ Խասիկյանի տնից հոկտեմբերի 18-ին տեղափոխվել է Նոյեմբերյան քաղաք, իր հորական տուն: Նրան այնտեղ խնամում է Ռուսաստանից վերադարձած որդին՝ Նորիկը,ով հոր կարիքները հոգալու համար ժամանակավոր աշխատանք է ճարել Բերդավան գյուղում:
Քնարիկ Խասիկյանն ասաց, որ պետությունը, բարեգործական որեւէ կազմակերպություն ֆինանսական կամ դեղորայքի աջակցություն չեն ցուցաբերել եղբորը: Սարգիս Անանյանը պետք է բժշկական հետազոտության ենթարկվեր Երեւանում,որպեսզի պարզվեր՝ ադրբեջանցիները նրան թունավոր նյութեր ներարկե՞լ են, թե՝ ոչ: Սակայն ֆինանսներ չունենալու պատճառով Սարգիսը այդ հետազոտության համար Երեւան չի մեկնել:
Ոսկան ՍԱՐԳՍՅԱՆ
Եթե որևէ մեկը կարծում է, որ Տավուշի մարզի առողջապահական համակարգում կա պրոֆեսիոնալ առողջապահության կազմակերպիչ, ով մտածում է մարդու առողջության պահպանման մասին,կարծում եմ, որ իրականության նշույլներ այդ կարծիքը չի պարունակում: