Տեղեկատվական անվտանգության մասնագետ ՏԻԳՐԱՆ ՔՈՉԱՐՅԱՆԸ չնայած համոզված է, որ թշնամին օգտվում է մեր ընդդիմադիրների ելույթներից, բայց դա իրեն հիմք չի տալիս ասելու, թե խորհրդարանում կան թշնամուն ծառայող պատգամավորներ: Իսկ եթե, իրոք, մեր ազգային անվտանգությանը առնչվող հարցեր են բարձրացվում, գաղտնի տվյալներ են հրապարկվում, ապա Քոչարյանը կարծում է, որ նման մտավախություն ունեցողները պետք է դիմեն ազգային անվտանգության ծառայությանը, որն էլ կբացահայտի «նավթադոլարներով» վճարվողներին:
«Թող ԱԱԾ-ն զբաղվի, օրինակ, Զարուհի Փոստանջյանով ու բացահայտի, որ նա եվրոպաներում կամ մեկ այլ տեղում հանդիպել է ադրբեջանցիներին եւ ինչ-որ քայլերի դիմաց գումարներ ստացել: Եթե կլինեն ապացույցներ, որ տվյալ պատգամավորը նման գործունեությամբ է զբաղված, ուրեմն նրան պետք է զրկել պատգամավորական անձեռնմխելիությունից ու բանտարկել: Բայց առանց նման ապացույցների ճիշտ չէ եզրահանգումներ անել, քանի որ պետական դավաճանության մեջ մեղադրելը լուրջ մեղադրանք է»:
Արմինե ՍԻՄՈՆՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
