«Երբեք չի եղել, որ դեսպանը անհատական դոսյեների վերաբերյալ մեկնաբանություն տա»,-հարցին՝ արդյոք ավարտում է իր առաքելությունը այդպես էլ չլուծված թողնելով փոքրիկ Իգոր Զաքյանի խնդի՞րը, այսպես պատասխանեց ՀՀ-ում Ֆրանսիայի դեսպան Անրի Ռենոն:
Հիշեցնենք, որ 3 տարեկան Իգոր Զաքյանն ուներ Ֆրանսիայում շտապ վիրահատվելու անհրաժեշտություն, սակայն ՀՀ-ում Ֆրանսիայի դեսպանատունը չի տրամադրել երեխայի երկու ծնողներին շենգենյան վիզա:
Պարոն դեսպանը մանրամասնելով պատասխանը, նշեց. «Հաշվի առնելով Զաքյան ընտանիքի՝ ԶԼՄ-ների միջոցով ծավալած լրատվական արշավը, մենք որոշեցինք հաղորդագրություն փոխանցել ԶԼՄ-ներին, և այնտեղ նշվեց, որ այդ առնչությամբ մենք լրացուցիչ մեկ այլ հայտարարություն չենք անի»: Պարոն դեսպանը նաև շեշտեց, որ իրենք պատրաստ են նախկինում բուժզննման համար տրամադրած պայմաններով տրամադրել վիզա, այսինքն՝ ծնողներից մեկի հետ:
Տաթև ՀԱՐՈՒԹՅՈՒՆՅԱՆ
Կարդացեք նաև
