Լրահոս
Օրվա լրահոսը

Քաղաքապետարանի ճեմասրահում ներկայացվել է «Հիշողություն, պատասխանատվություն, ապագա» խորագրով ցուցահանդես

Հոկտեմբեր 23,2014 15:33

Երևանի քաղաքապետարանի և Հայկական Կարմիր խաչի ընկերության ու Գերմանական Կարմիր խաչի Բադեն-Վյուրտեմբերգի երկրամասային կազմակերպության հետ ձևավորված համագործակցության շրջանակում քաղաքապետարանի ճեմասրահում բացվել է «Հիշողություն, պատասխանատվություն, ապագա» խորագրով ցուցահանդեսը, որին ներկայացվել է երկրորդ համաշխարհային պատերազմի հայազգի ռազմագերիների, հարկադիր աշխատանք կատարած և Լենինգրադի շրջափակման ժամանակ տուժած 23 անձանց կյանքի պատմությունը:

Ցուցահանդեսը կազմակերպվել է «Նացիոնալ-սոցիալիզմի հայազգի զոհերը» ծրագրի շրջանակում, որով 2001-2014 թվականներին Կարմիր խաչի կողմից ամեն տարի ավելի քան 150 հոգու, այդ թվում տարեցների, ցուցաբերվել է սոցիալական աջակցություն:
Միջոցառմանը ներկա են գտնվել ՀՀ-ում Գերմանիայի Դաշնային Հանրապետության արտակարգ և լիազոր դեսպան Ռայներ Մորելը, ԳԿԽ Բադեն-Վյուրտեմբերգի երկրամասային կազմակերպության ներկայացուցիչ Կառլ-Հայնց Շայդեն, ԳԿԽ ԲՎԵԿ արտաքին հարաբերությունների վարչության պետ Միխայիլ Ուիբելը, կազմակերպության հայաստանյան ներկայացուցիչ Մովսես Պողոսյանը:

Քաղաքապետարանի աշխատակազմի մշակույթի և տուրիզմի վարչության մշակույթի բաժնի պետ Էմին Թորոսյանը, ողջունելով մասնակիցներին, ընդգծել է, որ քաղաքապետարանը կարևորում է սոցիալական ուղղվածության մշակութային բաղադրիչով նման նախաձեռնությունները:

Դեսպան Ռայներ Մորելն իր հերթին շնորհակալություն է հայտնել քաղաքապետարանին ցուցահանդեսի անցկացման և համատեղ այլ ծրագրերի իրականացման հարցում մշտական աջակցության համար և առանձնացրել պատերազմի տարիներին տուժած անձանց նկատմամբ ցուցաբերվող ուշադրության ու հիշատակման կարևորությունը:
Այնուհետ ցուցահանդեսի հեղինակ Ֆաբիան Բուրկհարդտին հյուրերին առավել մանրամասն ծանոթացրել է ծրագրով իրականացված աշխատանքներին ու ցուցահանդեսում ներկայացված անձանց պատմություններին:

 

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031