Ինչպես տեղեկացրել ենք, այսօր Գյումրիում էր ՀՀ-ում Ղազախստանի հանրապետության արտակարգ և լիազոր դեսպան Այիմդոս Բոզժիգիտովը: Նա հանդիպեց Շիրակի գեներալ մարզպետ Ֆելիքս Ցոլակյանի հետ, որտեղ և քննարկվեցին հնարավոր համագործակցության ոլորտները: Շիրակի մարզպետը առաջարկեց ուշադրություն դարձնել Գյումրու տրիկոտաժին:
Նա ասաց, որ իր տվյալներով, այժմ Թուրքիայում 43 հազար ձեռնարկություններ են գործում տեքստիլ արդյունաբերության ոլորտում, նրանց արտադրանքը սպառվում է նաև ԱՊՀ երկրների տարածքում: Սակայն, թուրքականի որակը, ըստ մարզպետի, մի փոքր ավելին է, քան չինականինը, իսկ հայկականը բարձր որակ ունի այս երկուսի հետ համեմատ: Խոսվեց նաև կոշիկի արտադրության ոլորտում համագործակցության մասին: Դեսպանը իր հերթին խոսեց այն մասին, որ Եվրասիական տնտեսական միությունը ավելի մեծ հնարավորություններ կտա նմանատիպ համագործակցության:
Նա նշեց նաև, որ Թուրքմենստան-Ղազախստան-Իրան-Պարսից ծոց երկաթուղու կառուցումը, որը շահագործման կհանձնվի դեկտեմբերի 3-ին, նույնպես կնպաստի Հայաստանի հետ ապրանքաշրջանառության ծավալի մեծացմանը:
Մանրամասները` տեսանյութում:
Կարդացեք նաև
