Լրահոս
Օրվա լրահոսը

Այն մասին, թե ինչպես են ամուսնանալուց առաջ գյումրեցի աղջիկներին տարել հարսնոց բաղնիք (տեսանյութ)

Հոկտեմբեր 25,2014 23:01

Այսօր Գյումրու Հովհաննես Շիրազի անվան տուն-թանգարանի մոտ գտնվող թիվ 16 փողոցը վերանվանվեց Հովհաննես Շիրազի անվան փողոցի:

Գյումրեցի բանաստեղծի  անվամբ կոչելու հանդիսավոր արարողության ժամանակ, Շիրակի մարզպետի խորհրդական Հասմիկ Կիրակոսյանը  պատմական էքսկուրս կատարեց դեպի այդ փողոց` ներկայացնելով, թե ինչ հայտնի կառույցներ են գտնվել այդ ուղղությամբ:

«Եթե մի քիչ ներքև ենք իջնում, ձախ կողմի վրա Դրամփյանների եկամտաբեր տունն էր, հատկապես վերին հարկը  վարձով էր տրվում դրսից եկածներին և մեծ գումարներ էին ստեղծում: Ներքևի հարկում չեմ ասի, որ հիմնարկության կազմակերպության այսպես ասած նկուղներն էին, էն ժամանակ ասում էին պադվալներ, որտեղ կալանավորներ են եղել: Իջնենք մի քիչ ներքև, նույն ձախակողմում Գևոր աղենց բաղնիքն էր, այդ բաղնիքները կոչվել են հարսնոց բաղնիքներ: Ինչո՞ւ հարսնոց, երբ աղջկան արդեն նշան  են դնել, կանայք ուղեկցել են նրանց բաղնիք և տեսել են, թե բնության տվածը նրա մոտ ինչքանո՞վ է  բնական: Եվ եթե նրանց սրտով է եղել, հարսին հանել են բաղնիքից դուրս , բավականին  երկար բաղնիքում իրենց ժամանակն անցկացնելուց հետ, և դհոլ –զուռնայով  ֆայտոնով բերել են, և մայլեցիները իմացել են, որ հարսը անպայման պիտի հարսնանա: Աջ կողմի վրա անգլիական հյուրանոցն է, որը օջաղուլեցիներն են կառուցել, մի քիչ ներքև արհեստավորների շարքն է», -ներկայացրեց մարզպետարանի պաշտոնյան:

Նա ասաց, որ այս փողոցով շատ է ոտաբոբիկ քայլել Հովհաննես Շիրազը:

Մանրամասները` տեսանյութում:

Նունե ԱՐԵՎՇԱՏՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031