Այսօր Գյումրու Վարդան Աճեմյանի անվան դրամատիկական թատրոնում, որտեղ Գյումրու տոնի կապակցությամբ պարգևատրելու էին այս քաղաքին օգուտ տված ու ճանաչում բերած սպորտսմենների, արվեստագետների, բժիշկների, եկավ նաև «Ժառանգության» առաջնորդ Րաֆֆի Հովհաննիսյանը: Նա, ինչպես և իր նախընտրական քարոզարշավի ժամանակ, հատ-հատ ձեռքով բարևեց թատրոնում նստած գյումրեցիներին, հարցրեց նրանց ողջությունը, զրույցի բռնվեց, նոր միայն տեղավորվեց վերջին շարքերում:
Նկատի ունենալով, որ թատրոնի այս միջոցառմանը մասնակցելը հատուկ հրավիրատոմսերով էր, մենք պարոն Հովհաննիսյանից հետաքրքվեցինք` պաշտոնական հրավե՞րք է ստացել , թե՞ իր բնավորության համաձայն, ինչպես միշտ, մասնակցում է Գյումրիում կատարվող ամեն մի միջոցառման: «Ես եկել եմ առանց պաշտոնական հրավերքի ,բայց դուք լավ գիտեք, որ ես Գյումրիի հետ կապված հրավերի կարիք չունեմ: Շիրազյան օրհնանքով սա հայոց հայրաքաղաքն է, բայց նաև հայտնի փոխադարձ պատճառներով նաև իմ քաղաքն է: Ես այստեղ եմ, հարազատ իմ տանը, և ես կարծում եմ, որ սա ոչ միայն տոնական այցելություն է, այլ հերթական իմ ուխտը դեպի Գյումրի: Եվ ես շնորհավորում եմ գյումրեցիներին և վստահ եմ, որ այդ ազատությունը , այդ շիտակությունը, այդ արժանապատվությունը, որ Գյումրին է, վաղը մյուս օրը հաղթելու է»,- ասաց Րաֆֆի Հովհաննիսյանը:
Ըստ պարոն Հովհաննիսյանի, պետք է ունենանք դե յուրե, ընտրված իշխանություն, որը ոչ թե Գյումրին 25 տարի անց անտեսի, ոչ թե նեղանա այս քաղաքից ու չգա նույնիսկ մի հատ ծաղիկ դնելու զոհերի հիշատակին , այլ զօր ու գիշեր աշխատի այս քաղաքի բնակչության արժանապատվությունն ու տանիքը, սոցիալական արդարությունը վերադարձնելու համար: Րաֆֆի Հովհաննիսյանի ասելով` իրենք ամեն ինչ անելու են Հայաստանից հեռացածներին վերադարձնելու համար: Ըստ նրա, դա հնարավոր է, և ամեն ինչ անելու են, որ Գյումրին դառնա Հայաստանի արժանապատվության մայրաքաղաք:
Մանրամասները` տեսանյութում:
Կարդացեք նաև
Նունե ԱՐԵՎՇԱՏՅԱՆ
Հարգելի պ-ն Աբրահամյան, անկեղծ ասած՝ բոլորովին չէի սպասում, որ Ձեր խմբագրած կայքի էջերում ևս ՚՚հրավեր՚՚ բառի փոխարեն կհանդիպեմ ՚՚՚հրավերք՚՚ – ին: Համոզված եմ՝ կարիք չկա անդրադառնալ այդ բառերի տարբերությանը: Չէ որ մենք դեռ դպրոցական տարիներից գիտենք այն:
Շնորհակալություն, վերնագրում ուղղել եմ, տեքստում՝ ոչ, որովհետեւ Րաֆիի ուղիղ խոսքն է:
Շնորհակալ եմ: