Այսօր Գյումրու Վարդան Աճեմյանի անվան դրամատիկական թատրոնում քաղաքի տոնին նվիրված միջոցառման այդ հատվածը սկսվեց Շիրակի թեմի առաջնորդ Միքայել եպիսկոպոս Աջապահյանի օրհնանքով:
Սրբազանը, աղոթելով ու դահլիճում նստածներին իր հետ աղոթել տալով, շնորհավորեց իր հարազատ քաղաքի տոնը: «Սիրելիներ, երբ որ ապրում ես Գյումրում` իբրև գյումրեցի, շատ հաճախ Գյումրին ծանր է թվում և կարծես մտածում ես` դուրս գաս: Ես դա իմ անձնական փորձից գիտեմ, երբ որ 17 տարեկանում դպրոցն ավարտեցինք ,առաջին միտքս եղավ էս քաղաքից գնալը, աշխարհ տեսնել, սովորել, մեծանալ, մարդ դառնալ և պատանեկան հիմարությամբ գուցե և մոռանալ… Աշխարհ տեսնելուց հետո հասկացանք, որ Գյումրիից քաղցր բան չկա: Եվ ես այնքան երջանիկ եմ, որ 18 տարիների թափառումներից հետո արդեն 15 տարի վերստին վերանորոգված, վերընձյուղված գյումրեցի եմ և մի երազանք ունեմ, որ բոլոր գյումրեցիները հավաքվեն իրենց ծննդավայրում, շենացնեն: Չկա գյումրեցի, որ իր ծննդավայրը չի սիրում, բայց հաճախ այդ ծննդավայրի նկատմամբ իր պարտականությունը չի կատարում:Եվ մենք ուզում ենք, որ յուրաքանչուրս` հեռու և մոտիկ գյումրեցիներս, մեր պարտականությունը մեր այս քաղաքի նկատմամբ կատարենք, ոչ մեկս չէինք լինի այն` առանց Գյումրիի, ամեն մեկիս մեջ, ինչ-որ դիրքի հասել ենք, Գյումրին իր հետքը թողել է, իր դրական հետքը թողել է, ուրեմն մենք յուրաքանչյուրս պարտք ու պարտականություն ունենք այս մեր սիրելի քաղաքի նկատմամբ», -ասաց Սրբազանը:
Մանրամասները` տեսանյութում:
Նունե ԱՐԵՎՇԱՏՅԱՆ
Կարդացեք նաև
Չնայած, չեմ ընդունում, ուրիշի կրոն է, մերը չի, բայց մեր հայ հոգեւոր հայրերը ինձ միշտ հիացրել են իրենց հայ էությամբ: