Լրահոս
Օրվա լրահոսը

Դավիթ Հարությունյանը չբացառեց`2015-ի բյուջեն կարող է փոխվել

Հոկտեմբեր 29,2014 13:23

«Կառավարությունը հստակ հետևում է բյուջետային ընթացակարգին, բյուջեում արտացոլվում է այն, ինչը հաշվարկված է, ինչը առկա է»,- խորհրդարանում լրագրողների հետ զրույցում ասաց կառավարության աշխատակազմի ղեկավար-նախարար Դավիթ Հարությունյանն`անդրադառնալով արդեն երկու օր քննարկման թեմա դարձած հարցին` ինչո՞ւ 2015 թվականի բյուջեի նախագծում չի հաշվարկվել ԵՏՄ անդամակցության ազդեցությունը ՀՀ պետբյուջեի վրա:

Նա կրկնեց նույն փաստարկը, ինչ երկու օր բերում է ֆինանսների նախարար Պավել Սաֆարյանը` ԵՏՄ-ին անդամակցելուց հետո կարելի է խոսել բյուջեի փոփոխությունների մասին: «Եթե ձեր հարցն այն է, թե արդյոք կառավարությունը կանխատեսումներ արել է, ուսումնասիրել է, թե ինչպիսի՞ արդյունքներ կարող են լինել, իհարկե, դա արվել է և արվել է շատ վաղուց, նախքան այն փուլը, երբ սկսվում էր մշակվել ճանապարհային քարտեզը»,- շարունակեց Դավիթ Հարությունյանը:

Իսկ ի՞նչ են հուշում նախնական գնահատականներն ու ուսումնասիրությունները: Դավիթ Հարությունյանն ասաց, որ հնարավոր չէ հարյուր տոկոսով կանխատեսել. «Այնուամենայնիվ դրական կողմերը, ըստ կանխատեսումների, շատ ավելի մեծ են, բարձր է այն դրականը, որը Հայաստանի Հանրապետությունն է ստանալու, և դրա համար նման որոշում կայացվեց»:

Պատասխանելով հարցին` հնարավո՞ր է կառավարությունը տարվա կեսին փաստի առջեւ կանգնի՝ տեսնելով, որ ԵՏՄ անդամակցությամբ պայմանավորված՝ բյուջեում պետք է փոփոխություններ կատարվեն, Դավիթ Հարությունյանը պատասխանեց. «Որևէ մեկը երբևէ երաշխավորված չէ 100 տոկոսով ցանկացած իրավիճակից: Այսինքն, այդ կանխատեսումները ոչ դուք, ոչ ես, ոչ որևէ մի տնտեսագետ 100 տոկոսով չի կարող ասել: Այնուամենայնիվ տարիներ շարունակ մեզ հաջողվել է ապացուցել, որ բյուջեն ճիշտ ենք կարողանում կանխատեսել: Վստահ ենք, որ այս տարին ևս բացառություն չի լինելու»:

Նելլի ԳՐԻԳՈՐՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031