«Սիստեմա» ԲՖԿ-ի իրավաբանները դատարանում հայտնել են, որ «Բաշնեֆտ» նավթային ընկերության ձեռքբերման գործարքները եղել են Ռուսաստանի Դաշնային հակամենաշնորհային ծառայության վերահսկման տակ, որը գործարքի հետ կապված ոչ մի խնդիր չի ունեցել, հայտնում է «Ինտերֆաքս»-ը:
«Բաշնեֆտ»-ը «Սիստեմա» ԲՖԿ-ին վաճառելիս ապօրինի խոշոր շահույթ ստանալու մեջ է մեղադրվում հայազգի գործարար Լևոն Հայրապետյանը:
«Սիստեմա»-ի իրավաբանի պնդմամբ, «Բաշնեֆտ»-ի բաժնետոմսերը ՌԴ իշխանություններին երբեք չեն պատկանել.
«Բաժնետոմսերը Ռուսաստանի Դաշնության սեփականությունը երբեք չեն եղել: Ինչպե՞ս նրանք կարող են պահանջել վերադարձնել այդ սեփականությունը, եթե երբեք իրենցը չի եղել, – ասել է ընկերության ներկայացուցիչը՝ նշելով, որ «Բաշնեֆտ»-ի բաժնետոմսերը պատկանում էին մարզային իշխանություններին, որոնք իրենց կամքով որոշել էին օտարել ընկերությունը, – մենք չենք կարող համաձայնել, որ Բաշկորտոստանի Հանրապետության ենթաօրենսդրական 11 ակտերն անօրինական էին»:
Կարդացեք նաև
Պատրաստեց Հովհաննես ԻՇԽԱՆՅԱՆԸ
