Լրահոս
Օրվա լրահոսը

Անիմացիոն լավագույն ֆիլմերն արդեն հայտնի են

Հոկտեմբեր 30,2014 23:00

«ՌեԱնիմանիա» Երևանի միջազգային անիմացիոն 6-րդ կինոփառատոնն ավարտվում է: «Մոսկվա» կինոթատրոնում այսօր ամփոփվեցին փառատոնի արդյունքները, որին հաջորդեց Արի Ֆոլմանի «Համաժողովը» ֆիլմի երևանյան պրեմիերան:

Մրցատյանը «Լավագույն լիամետրաժ ֆիլմ» անվանակարգում հաղթող է ճանաչել Ալե Աբրեուի «Տղան և աշխարհը» անիմացիոն ֆիլմը (Բրազիլիա):

Որպես լավագույն կարճամետրաժ ֆիլմ՝ առանձնացվել է Նասոս Վակալիսի «Ընթրիք մի քանիսի համար» անիմացիոն ֆիլմը (Հունաստան, ԱՄՆ):

«Լավագույն ավարտական ֆիլմ» անվանակարգում հաղթել է Ալեքսանդրա Հետմերովի «Աստվածների քաղաքը» (Չեխիա):

Լավագույն հեռուստատեսային և ուսուցողական ֆիլմը Սերգեյ Մերինովի «Պլաստիլինե այբուբենն» է (Ռուսաստան):

Լավագույն երաժշտական հոլովակ է ընտրվել Ելենա Օրոզի «Ֆաքոֆբոլան: Մի՞շտ, թե՞ երբեք»-ը (Խորվաթիա):

Տեղեկացնենք, որ անիմացիոն կինոսերները հնարավորություն ունեն վաղը՝ հոկտեմբերի 31-ին, «Մոսկվա» կինոթատրոնում դիտելու մրցանակակիր ֆիլմերը:

«ՌեԱնիմանիայի» բացման նախօրեին, երբ մեր առաջին հյուրերն էին ժամանում, և երբ ինձ ցուցակներն էին տալիս, թե նրանք երբ են գալիս և երբ են գնում, ինձ առաջին հերթին հետաքրքրում էր, թե երբ են գնում (հուսով եմ՝ թարգմանիչներն ասածս չեն թարգմանի մեր հյուրերի համար), իսկ այսօր առավոտյան, երբ մտածում էի, որ մեր հյուրերի մեծ մասը երեկոյան արդեն մեկնելու է, ինձ համար մի տեսակ տխուր էր, որովհետև այս փառատոնը մի նոր ռիթմ, մի նոր ընթացք էր տվել մեր կյանքին, որից բաժանվելը մի քիչ դժվար է»,- ասաց փառատոնի գեղարվեստական ղեկավար Րաֆֆի Մովսիսյանը և մի քիչ առաջ անցնելով՝ հավելեց, որ շատ կցանկանար հաջորդ «ՌեԱնիմանիան» բացող ֆիլմը հայկական լիներ. «Ճիշտ է, անիմացիոն ֆիլմ նկարահանելը թանկ հաճույք է, բայց մեզ համար մեծ պատիվ կլիներ փառատոնի բացումը հայկական անիմացիոն ֆիլմով ազդարարելը: Չնայած, «Անահիտ»-ի նկարահանման աշխատանքները նկատի ունենալով՝ կարծում եմ, որ այդ օրը հեռու չէ»,- նշեց նա:

 

Սիրանուշ ՀԱՅՐԱՊԵՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031