Ռուսական գազի մատակարարումը Ուկրաինային ժամանակավոր կվերականգնվի: Երկօրյա բանակցությունների արդյունքում Ռուսաստանը, Ուկրաինան և Եվրոմիությունը հոկտեմբերի 30-ի գիշերը համաձայնության են եկել այսպես կոչված ձմեռային փաթեթի շուրջ, հայտնում է «ՏԱՍՍ»-ը:
Էներգետիկայի հարցերով Եվրոհանձնակատար Գյունտեր Էտինգերը հայտնել է, որ 4,6 միլիարդ դոլարի փաստաթուղթ է ստորագրվել:
Պայմանագիրը հնարավոր է եղել ստորագրել այն բանից հետո, երբ Ուկրաինան և ԵՄ-ը համաձայնեցրել են գազի պարտքերի վճարման իրենց աղբյուրները, իսկ Ռուսաստանը երաշխիքներ է ստացել, որ Կիևի՝ հայտարարված միջոցները առկա են առձեռն: Այս երաշխիքների բացակայության պատճառով հնարավոր չէր եղել համաձայնության գալ նախորդ՝ հոկտեմբերի 21-ի բանակցությունների ժամանակ:
«Ձեռք բերված համաձայնությունների շնորհիվ Եվրոպայի բնակիչներն այս ձմեռ չեն սառչի», – վստահեցրել է Եվրոհանձնաժողովի նախագահ Ժոզե Մանուել Բարոզոն:
Կարդացեք նաև
Եվրոպա մտնող գազի 60%-ը «Գազպրոմ»-ն է մատակարարում, որի կեսն անցնում է Ուկրաինայով:
Պատրաստեց Հովհաննես ԻՇԽԱՆՅԱՆԸ
